Almatyda Eldos Jumahanovtyń júldesi úshin respýblıkalyq týrnır ótti

Keshe Almaty qalasynda  Jetisý aýdany ákimdiginiń qoldaýymen dzıýdodan halyqaralyq  dárejedegi sport sheberi Eldos Jumahanovtyń júldesine arnalǵan respýblıkalyq týrnır ótti. Jarysqa Qazaqstannyń túkpirinen-túkpirinen barlyǵy 27 komanda qatysty.  2007-2008 jyldary týǵan 250 jasóspirim dzıýdoshy jarys jeńimpazy ataný úshin tatamıda baryn saldy. 

Baıraqty básekege Eldostyń týǵan jeri Shyǵys Qazaqstan oblysy Tarbaǵataı aýdanynyń jasóspirim dzıýdoshylary  arnaıy kelip qatysty.

Almaty qalasy, Jetisý aýdanynyń ákimi, belbeý kýresinen «Halyq Barysy», qazaq kúresinen «Almaty Barysy» týrnıriniń jeńimpazy Qıqymov Maqsat Sákenuly, Qazaqstan Respýblıkasynyń  eńbek sińirgen jattyqtyrýshysy, Jumaqanov Eldostyń jeke bapkeri Qalıev Seıdolla, dzıýdodan álem chempıony Maksım Rakov, dzıýdan Eýropa Kýbogynyń  jeńimpazy Orazalın Nurlan, dzıýdodan «Temır Dos» sport kesheniniń aǵa jattyqtyrýshysy Aıazbekov Dúısen, Jańa-aýyldan dzıýdo jattyqtyrýshysy Birjan Kópjasarov jarystyń qurmetti qonaqtary boldy.

Jarys qorytyndysy boıynsha jalpy komandalyq eseptegi birinshi orynǵa Almaty oblysy Qarasý sport klýby komandasy ıe boldy. Ekinshi orynǵa  Qaragandy oblysynyń komandasy taban tiredi. Júldeli úshinshi orynmen Almaty qalasynyń «Lashyn» sport klýby marapattaldy.

Eldos Jumahanov týǵan jeri Tarbaǵataıdan kelgen dzıýdoshylarǵa 10 kımano syıǵa tartty.

Jarys jeńimpazdaryna medal, kýbok,  aqshalaı syılyqtar men baǵaly syılyqtar tabys etildi.

Eldostyń ata-anasy otbasynyń atynan osy jarystyń ótýine uıytqy bolǵan Jetisý aýdanynyń ákimi Qıqymov Maqsatqa,  jarysqa demeýshi bolgan kásipker azamattar: Almas Muqajan men Marat Ospanǵa zor alǵysyn bildirdi.