Mańǵystaýdyń jedel járdem qyzmeti 233 460 adamǵa kómek kórsetken

2019 jyldyń 10 aıynda Mańǵystaý oblysy boıynsha jedel medısınalyq járdem qyzmeti 233 460 adamǵa qyzmet kórsetken. Shuǵyl medısınalyq kómek kórsetýdiń eki deńgeıli modelin engizý nátıjesinde pasıentke jetý ýaqyty aıtarlyqtaı qysqarǵan. Bul týraly «О́ńirlik Kommýnıkasııalar Qyzmeti» alańynda bolǵan brıfıngte Mańǵystaý oblystyq jedel járdem stansııasynyń dırektory Raqymjan Eltaev málim etti.

2018 jylmen salystyrǵanda 2019 jyldyń shilde aıynda naýqasqa kelý ýaqyty 25-ten 18 mınýtqa deıin qysqarǵan.

-«Shuǵyl medısınalyq kómek kórsetýdiń halyqaralyq standarttaryn engizý jalǵastyryldy. Osylaısha, 2018 jylmen salystyrǵanda medısınalyq kómek kórsetý sapasyn arttyrý parametri 2019 jyldyń 10 aıynda sátti reanımasııa kórsetkishi 20,9% - ǵa artty, 2018 jyly ol 15% - dy qurady. 2017 jylmen salystyrǵanda 2019 jyldyń 10 aıynda ol 245 ólimge tómendedi», - dedi R.Eltaev.

Júrgizilgen jańǵyrtýdyń taǵy bir nátıjesi sozylmaly aýrýlary bar pasıenttermen emhanalar jumysynyń jaqsarýy.  Bul týraly sozylmaly aýrýlardyń asqynýy sebebinen jedel járdemdi shaqyrý jaǵdaılarynyń sanynyń tómendeýi kýálandyrady. Jyl basymen salystyrǵanda jeltoqsan aıynyń sońynda osyndaı shaqyrýlar sany 55410 oqıǵaǵa qysqarǵan.

-«103 qyzmettiń materıaldyq-tehnıkalyq bazasy kúsheıtildi. 2018 jylmen salystyrǵanda 2019 jyldyń qorytyndysy boıynsha medısınalyq jabdyqtarmen jabdyqtaý 20%-ǵa artyp, 70% - dy qurady. 2017-2018 jyldarmen salystyrǵanda GPS-navıgasııamen jabdyqtaý jaǵdaıy jaqsardy. Kórsetkish 2018 jylmen salystyrǵanda 21,2% artty jáne 2019 jyldyń 10 aıynyń qorytyndysy boıynsha 73,2% qurady. Sondaı-aq sanıtarlyq kólikpen qamtamasyz etý artty: 2019 jyldyń 10 aıynyń qorytyndysy boıynsha ol 75% - dy qurady» - dedi ol.

Pılottyq joba sheńberinde stasıonarlardyń qabyldaý bólimsheleri jumysynyń jańa formaty engizildi: mamandardy oqytý, standarttardy engizý, redızaın jáne qaıta qurý, materıaldyq-tehnıkalyq jaraqtandyrýdy jaqsartý bastaldy.

Problemalyq máseleler dep mamandar mynalardy atady:

1 .Jaryq joq jáne kóshe ataýlary, úı nómirleri, páterlerde domofondar jumys istemeıdi

2. Joldardaǵy júrgizýshi etıketi saqtalmaıdy, bul jedel medısınalyq járdemniń qatysýymen bolǵan jol-kólik oqıǵasyna ákeledi.
3. -Eldi mekenderde sapaly emes joldar, JMK brıgadasynyń kelý ýaqytyn tómendetedi-kóshe ataýlary, úı, páter nómirleri joq, bul meken-jaıdyń bolýyn qıyndatady

-Túngi ýaqytta kóshelerdi jaryqtandyrýdyń jetkiliksizdigi-uıaly baılanystyń jetkiliksiz jabylýy alys aýdandar-oblys boıynsha ınternet aımaǵynyń tolyq jabylmaýy

- Sanıtarlyq avtokóliktiń jetkiliksiz sany(qajettilik 50 birlik) - medısınalyq jabdyqtarmen jabdyqtalmaýy (60%)

- JMK brıgadalarynyń jınaqtalmaýy (brıgada quramy: 1 feldsher, 1 júrgizýshi )