Qazaqstanda tuńǵysh ret búırektiń qaterli isigine ota jasaldy

Shyǵys Qazaqstan oblysynda búırektiń qaterli isigine robottandyrylǵan ota jasaldy, – dep Qamshy.kz aqparat agenttigi habarlaıdy, oblystyq kóp salaly onkologııa jáne hırýrgııa ortalyǵynyń baspasóz qyzmetine silteme jasap.

Oblystyq kóp salaly onkologııa jáne hırýrgııa ortalyǵynyń onkolog dárigerleri onkoýrologııada robottandyrylǵan hırýrgııany engizdi. О́ńirde ǵana emes, Qazaqstanda tuńǵysh ret búırektiń qaterli isigine robottandyrylǵan ota jasaldy.

"Robottandyrylǵan adrenalektomııa 64 jastaǵy naýqasqa jasaldy. Ol oń jaq búırektiń qaterli isigine shaldyqqan. 40 mınýtqa sozylǵan otany dáriger Hýsan О́mirzaqov pen onyń assıstentteri Asqar Ibraev jáne Saıan Saǵıdýllın jasady. Qazirgi ýaqytta emdelýshiniń jaǵdaıy qanaǵattanarlyq", – dep ortalyqtyń baspasóz qyzmeti málim etti.

Adrenalektomııa – óte kúrdeli hırýrgııalyq ota. Organnyń gormanaldy-belsendi isikteri kezinde jasalady. Mundaı qaterli isik ishki sekresııa men zat almasýdyń buzylýyna, gıpertenzııaǵa jáne basqa da qaýipti jaǵdaıǵa alyp kelýi múmkin. Ota kezinde bezdi organǵa jasalatyn manıpýlıasııalardyń qyr-syryn bilýmen qatar, endokrınologııalyq ózgeristerdiń erekshelikterin de jete bilý qajet.