Ishki ister mınıstrligi úndeý jasady

Elimizde jol apaty saldarynan 39 adam qaza bolyp, 289 adam jaraqat alǵany ishki ister mınıstrliginiń alańdaýshylyǵyn týdyryp otyr, – dep jazady Qamshy.kz aqparat agenttigi. 

Apattyń negizgi sebebi –  jol erejeleriniń saqtalmaýy. Qaıǵyly oqıǵaǵa kóbinese jyldamdyqtyń artýy, tyıym salatyn jáne eskertetin belgilerge nazar aýdarmaý jáne olardy elemeý ákep soqqan,– dep ishki ister mınıstrliginiń baspasóz qyzmeti habarlaıdy

Aýa-raıynyń nasharlaýyna baılanysty ishki ister mınıstrligi  turǵyndarǵa qarapaıym, biraq óte mańyzdy erejelerdi saqtaý kerektigin eskertedi.

Eń birinshi qystyń bastalýyna oraı, qysqy nemese tikenekti shınalar ornatý. Odan keıin avtomobıldi jylytý jáne áınekterdiń jylý úrleý júıesin tekserý.

Sondaı-aq sýytý júıesindegi suıyqtyqtyń mınýs temperatýrasy kezinde paıdalanýǵa jaramdylyǵy men jaı-kúıin tekserý.

Odan ózge dızel qozǵaltqyshtary bar kólik quraldary úshin qysqy dızel otynyn paıdalaný.

Eń bastysy, qysqy jolda avtomobıldiń tejegish qashyqtyǵy aıtarlyqtaı ulǵaıatynyn este saqtaý qajet.

Egerde kenetten qaýip týyndaǵan jaǵdaıda júrgizýshiniń jyldamdyqty ýaqytynda tómendetip, kólikti toqtatýǵa múmkindigi bolýy tıis.

Mınıstrlik baspasóz qyzmetiniń málimdeýinshe, qaýipti manevr jasaýǵa jáne shuǵyl tejeýge bolmaıdy. Osy sebepten kóktaıǵaqta júrgizýshi rólge ıe bola almaı qalýy múmkin deıdi.