• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:51:57
Qazaqstan Ýkraınanyń saýda naryǵyna alańdaýly

15 Qarasha, 2019 Barlyq aımaqtar

Sóz qadiri... Baqyt Bedelhanulymen syr-suhbat

Qarasha aıynyń 14-juldyzynda qazaq biliminiń qara shańyraǵy Qazaq ulttyq ýnıversıtetiniń, fılologııa jáne álem tilderi fakýltetinde Jazýshylar odaǵy tóraǵasynyń orynbasary aqyn, dramatýrg Baqyt Bedelhanulymen «Sóz qadiri...» atty syr-suhbat kezdesý keshi ótti.

Jas kezinen jasyndaı jarqyldap, jaqsy ortalarda jaıdary minezi men tereń bilimi, ózindik stılimen erekshelenip tanylǵan aqyn syr-suhbat keshiniń erkin formatta, emen-jarqyn ótkenin qalady. Aqynnyń  ózi jaıly óleńimen órbitip aıtqan áńgimeleri, ótken shaǵyna degen ózgeshe bir saǵynyshtyń tátti sezimderi keshke qatysýshy qonaqtardyń kóńilin tolqytyp, Almatynyń 20 jyl burynǵy aýrasyna bólep, tamasha áser qaldyrdy.

oshrt

«Meni ózgelerden ereksheleıtin qazaqy dástúr men sóz tarıhy, rý shejireleri, ańyz-áńgime, el arasyndaǵy qıssalardy qısapsyz biletinim bolsa kerek. Buǵan sebep, besik jyrynan bastap apamnyń aıtqan áńgimeleri, oqyǵan kitaptarym, ortam, bilimge degen qushtarlyǵymnan»,- deıdi aqyn.

Aqyn óz shyǵarmashylyǵy jaıly, teatrlardaǵy qoıylymdary, «hıt» bolyp tanylǵan ánderi týrasynda, eń alǵashqy aıtysker aqyn retinde aıtys sahnasynda qalaı sýyrypsalmalyǵyn ashqanyn, 6 jasynda muǵalimderge aıtqan tárbıeli aqylyn aıtyp bir kúlip aldy. Keshke qatysýshylar aqynnyń shyǵarmashylyǵynan tys, qazirgi ádebıet, qazaq ádebıeti, álem ádebıeti jaıynda kókeılerindegi suraqtaryn qoıyp, tushymdy jaýaptar aldy. Aqyn óz óleńderinen úzindi oqyp, dombyrasyn qolyna alyp, áýezdi ánder aıtty. Aqynnan shabyt alsa kerek, stýdentter sýyrylyp shyǵyp óleńderin oqyp, ánder áýeletip, ádebı keshtiń áserin arttyrdy.

Syr-suhbat keshi, «Rýhanı jańǵyrý» baǵdarlamasy jáne Jastar jylyna oraı ótkizildi. Pedagogıka jáne bilim berý menedjment kafedrasynyń p.ǵ.k., dosent R.S. Qasymova uıytqy bolyp, Ádebıettaný men Qazaq tili men ádebıeti mamandyǵynyń 1-kýrs magıstranttarynyń uıymdastyrýymen ótkizildi. Kesh sońynda Roza Qasymova Baqyt Bedelhanulyna kezdesýden alǵan rýhanı áseri týraly, magıstrant, stýdentterdiń atynan raqmetin aıtyp, magıstranttar atynan syılyqtar tabys etti.

Baqyt aqyn da, «Baqytqa qaraı bermeı ýaqytqa da qarańyzdar»,-dep ázildep, alǵysyn aıtyp, áńgimesin túıindedi. Kesh sońynda kórermender qadirli qonaqpen estelikke sýretke túsip, tamasha ásermen tarqasty.

QazUÝ, Ádebıettaný magıstranttary

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir