• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:27:32
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Turǵyndardyń turmysyn tikteıtin tyń bastama

Elimiz egemendik alǵaly beri aýyl sharýashylyǵyn damytý máselesi kún tártibinen túsken emes. Elbasy-Qazaqstan Respýblıkasynyń Tuńǵysh Prezıdenti N.Nazarbaev Qazaqstan halqyna jyl saıynǵy Joldaýlarynda agroónerkásip keshenin damytý máselesin nazardan tys qaldyrǵan joq. Memleket basshysy Qasym-Jomart Toqaev ta salaǵa serpilis syılaý maqsatynda strategııalyq maqsattar qoıyp otyr.

Bul turǵyda Prezıdent: «Aýyl sharýashylyǵy – bizdiń negizgi resýrsymyz, biraq onyń áleýeti tolyq paıdalanylmaı otyr.

El ishinde ǵana emes, shetelde de suranysqa ıe organıkalyq jáne ekologııalyq taza ónim óndirý úshin zor múmkindikter bar.

Biz sýarmaly jer kólemin kezeń-kezeńmen 2030 jylǵa qaraı 3 mıllıon gektarǵa deıin ulǵaıtýymyz kerek.

Bul aýyl sharýashylyǵy óniminiń kólemin 4,5 ese arttyrýǵa múmkindik beredi.

Saýda jáne ıntegrasııa, aýyl sharýashylyǵy mınıstrlikteri fermerlerge óz ónimin syrtqa shyǵaryp satý úshin barynsha qoldaý kórsetýi tıis.

Osyǵan oraı Úkimetke tıisti tapsyrma berildi. Bul – mańyzdy mindet,

Aýyl sharýashylyǵy ónimin eksporttaý isinde shıkizatqa negizdelýden bas tartý kerek» dep atap kórsetti.

Qazirgi tańda Jambyl oblysynda aýyl sharýashylyǵyn damytýda birneshe jobalar iske asyrylýda.

О́tken jyly aýyl sharýashylyǵy alqaptaryndaǵy sý júıeleri men kanaldardy tazartý jáne qalpyna keltirý jumystaryn júrgizý maqsatynda qurylǵan meh.otrıad bıylǵy jyly 65 shaqyrymdy quraıtyn sý júıelerine aǵymdaǵy jóndeý jumystaryn júrgizip, 5 myń gektarǵa jýyq sýarmaly alqap qalpyna keltirildi. Sońǵy eki jylda 6247 gektar alqap tolyq sýmen qamtamasyz etildi.

Aýyl sharýashylyǵyndaǵy basty salalardyń biri - ol mal sharýashylyǵy.Mal sharýashylyǵynda 10 aıdyń qorytyndysy boıynsha mal basy artyp, ónim kólemi 3,3 paıyzǵa ósti.Oblysta «Sybaǵa baǵdarlamasy arqyly 4109 bas múıizdi iri qara jáne 40 650 bas qoı satyp alyndy.Bıylǵy jyly aýyl sharýashylyǵyn damyta otyryp, halyqtyń ál-aýqatyn jaqsartýǵa arnalǵan «Jambyl oblysy turǵyndarynyń turmystyq tabysyn jaqsartý» jobasy aımaqta júzege asyryla bastady.Tıimdiligi dáleldengen jobanyń aýyldaǵy aǵaıynnyń qyzyǵýshylyǵyn týdyrǵany anyq. Mal bordaqylaý, egin egý, jylyjaı ashý, tipti shaǵyn kásip ashýdy josparlaǵan azamattarǵa múmkindik beretin joba bıyl oblystyń 11 aýylynda júzege asyrylýda. Bul jobany atqarǵan jaǵdaıda osy aýyldarda aýyl sharýashylyǵy ónimi 2,3 esege artady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir