• USD 389.52
  • EUR 429.21
  • RUB 6.07
  • CNY 54.94
14 Jeltoqsan, 09:40:59
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Jýalyda jumyssyzdyq azaıyp keledi

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda ekonomıkany damytýǵa, shaǵyn jáne orta kásipkerlikti órkendetýge, aýyl sharýashylyǵy salasyn alǵa bastyrýǵa, ınvestısııa tartyp, salyqtyq túsimderdi arttyrýǵa basymdyq berdi. Munyń mán-mańyzy túptep kelgende jumys oryndarynyń sanyn kóbeıtip, áleýmettiń áleýetin arttyrýmen ushtasyp jatyr.

Bul turǵyda Memleket basshysy: «Azamattardyń barlyq syndarly ótinish-tilekterin jedel ári tıimdi qarastyratyn «Halyq únine qulaq asatyn memleket» tujyrymdamasyn iske asyrý – bárimizge ortaq mindet.

Bılik pen qoǵam arasynda turaqty dıalog ornatý arqyly ǵana qazirgi geosaıası ahýalǵa beıimdelgen úılesimdi memleket qalyptastyrýǵa bolady.

Sondyqtan azamattyq qoǵamǵa qoldaý kórsetip, onyń áleýetin nyǵaıta túsý kerek. Sondaı-aq, asa mańyzdy jalpy memlekettik mindetterdi sheshý úshin talqylaý jumystaryna azamattyq qoǵamnyń múmkindikterin keńinen qoldaný qajet.

Osy maqsatpen biz belgili qoǵam ókilderin qamtıtyn Ulttyq qoǵamdyq senim keńesin qurdyq. Bul keńes rotasııalyq tártippen jumys isteıdi»,-dep atap kórsetip, buqara men bıliktiń baılanysy bekı túsetindigin jetkizdi.

Áleýmettiń áleýetin arttyrýdyń tıimdi joly-jumyspen qamtý sharalaryn jandandyrý. Osy oraıda Jambyl oblysyndaǵy Jýaly aýdanynda tyndyrymdy tirlikter tiktelýde.

Aıta ketý kerek, atalmysh aýdanda jumyssyzdyq azaıyp keledi. Máselen, qazirgi ýaqytta jumyssyz retinde 654 adam resmı tirkeýde tur. О́tken jyldyń osy merziminde 787 adam tirkeýde bolǵan eken. Bul týraly aýdan ákimi Narbaı Ergebekov áńgimelep berdi. Narbaı Ábilqasymuly atalmysh aımaqtyń áleýmettik-ekonomıkalyq damýy jáne alda turǵan mindettemeler týraly da tilge tıek etti.

– Aýdanymyzda osy 9 aı ishinde qurylys jumystarynyń kólemi 3 mıllıard 543,3 mıllıon teńgeni qurap, byltyrǵy jyldyń osy kezeńimen salystyrǵanda 74,8 paıyzǵa oryndaldy. Jeke turǵyn úı salýshylardyń esebinen jalpy alańy 8 906 sharshy metrdi quraıtyn turǵyn úıler aýla qurylystarymen birge qabyldandy.

Jalpy óńirlik ónimniń kólemi esepti merzimge 36 mıllıard 020,2 mıllıon teńgeni qurap, ótken jylǵydan 17,7 paıyzǵa artty.

О́nerkásip ónimderiniń kólemi 7 mıllıard 495,4 mıllıon teńge, negizgi kapıtalǵa salynǵan ınvestısııa kólemi 4 mıllıard 015,4 mıllıon teńge, bólshek saýda aınalymy 1 mıllıard 857,2 mıllıon teńge, aýyl sharýashylyǵy óniminiń jalpy shyǵarymy 21 mıllıard 866,2 mıllıon teńgeni qurady, – degen Narbaı Ábilqasymuly aýdannyń áleýmettik-ekonomıkalyq kórsetkishteri jyldan-jylǵa jaqsaryp kele jatqanyn jetkizdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir