• USD 389.52
  • EUR 429.21
  • RUB 6.07
  • CNY 54.94
08 Jeltoqsan, 02:14:01
Qazaqstan Ýkraınanyń saýda naryǵyna alańdaýly

19 Qarasha, 2019 Aımaqtar

Jambylda agrosektor damýda

Memleket basshysy Qasym-Jomart Toqaev «Syndarly qoǵamdyq dıalog-Qazaqstannyń turaqtylyǵy men órkendeýiniń negizi» atty Qazaqstan halqyna Joldaýynda agroónerkásip keshenin damytý máselesinen basa nazar aýdarǵany belgili.

Bul turǵyda Prezıdent: «Aýyl sharýashylyǵy – bizdiń negizgi resýrsymyz, biraq onyń áleýeti tolyq paıdalanylmaı otyr.

El ishinde ǵana emes, shetelde de suranysqa ıe organıkalyq jáne ekologııalyq taza ónim óndirý úshin zor múmkindikter bar.

Biz sýarmaly jer kólemin kezeń-kezeńmen 2030 jylǵa qaraı 3 mıllıon gektarǵa deıin ulǵaıtýymyz kerek.

Bul aýyl sharýashylyǵy óniminiń kólemin 4,5 ese arttyrýǵa múmkindik beredi.

Saýda jáne ıntegrasııa, aýyl sharýashylyǵy mınıstrlikteri fermerlerge óz ónimin syrtqa shyǵaryp satý úshin barynsha qoldaý kórsetýi tıis.

Osyǵan oraı Úkimetke tıisti tapsyrma berildi. Bul – mańyzdy mindet,

Aýyl sharýashylyǵy ónimin eksporttaý isinde shıkizatqa negizdelýden bas tartý kerek» dep atap kórsetti.

Memleket basshysy mán bergen mindetter Jambyl oblysynda dakezeń –kezeńimen iske asyrylatyn bolady.

Jalpy, aýyl sharýashylyǵy salasy elimizdiń ekonomıkasyn alǵa súıreıtin mańyzdy sala. Iаǵnı, salanyń atqarar júgi de aýyr. Aýyl sharýashylyǵy salasynda qyzmet etetinder negizinen aýyl adamdary. Eńbekqor, tózimdi, óz jumysyn jaqsy kóretin jandar. Osyndaı eńbekqor jannyń biri – Jýaly aýdany, Dıqan aýylynyń turǵyny Baýyrjan Jumanov. «Baýyrjan» sharýa qojalyǵynyń jetekshisi «Altyn alqaly» aıaýly ana Seısekúl Jumanova. Sharýa qojalyqty 2003 jyly otaǵasy Ábdil Jumanov qurǵan. Marqum Ábdil Jumanov naǵyz eńbek adamy bolǵan jan. Áke jolyn qýǵan bala jumysty júıelep, ári qaraı alyp ketti. Búgingi tańda Baýyrjan mal fermasynda 30 bas saýyndy sıyr men tórt jylqy asyrap otyr. Baýyrjan jary Indıra ekeýi eki ul, eki qyz tárbıelep otyr. Indıranyń mamandyǵy - muǵalim. Búgingi tańda dekrettik demalysta otyrǵan Indıra joldasynyń kómekshisi. Otbasy bolyp jumyla eńbek etken Baýyrjan men Indıranyń eńbegi kópke úlgi. Iá, ómirde ákesiniń jolǵa qoıyp bergen sharýasyn alyp kete almaı, talan-tarajǵa túsirip jatqan azamattar az emes. Al áke jolyn qýyp, talmaı eńbek etip, ári qaraı damytyp, ár nárseniń qadirine jete biletin jastar da kezdesedi. Osy turǵydan kelgende Baýyrjandaı eńbekqor azamattyń eńbegine tek qana tabys pen abyroı tileımiz. Adam balasyn tek adal eńbek qana baıandy baqytqa bóleıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir