• USD 389.52
  • EUR 429.21
  • RUB 6.07
  • CNY 54.94
09 Jeltoqsan, 14:56:01
Qazaqstan Ýkraınanyń saýda naryǵyna alańdaýly

12 Qarasha, 2019 NEWS

Kóktóbedegi teleortalyq ǵımaratyn jóndeý jumysy jaıly: «Biz 100 paıyz arhıtektýralyq qurylymdy saqtadyq»

Almaty qalalyq Josparlaý jáne ýrbanıstıka basqarmasynyń basshysy Almashan Ahmetjanov teleortalyq – apparattyq stýdııa keshenin (ASK-2 ) qaıta qalpyna keltirý jumystary týraly aıtyp berdi.

«Negizi ǵımarat kelbeti aıtarlyqtaı ózgergen joq. Tek áınektiń túsi sál qońyrlaý bolyp shyqty. Qazir áınek jyltyrap tur, kúnge shaǵylysqan kezde kózge áser etedi. Men bul ǵımaratty jaqsy bilemin. Onyń qalaı salynǵanyn, qalaı paıdalanýǵa berilgenin, qalaı jumys isteıtinin bárin jaqsy bilemin. Eger bul ǵımarat qoǵam úshin ashyq bolatyn bolsa, shynymen de jaqsy bolar edi», - deıdi basqarma basshysy Almashan Ahmetjanov.

Onyń aıtýynsha, qaıta qalpyna keltirý jumystarynan keıin de, sáýlet elementteri ózgergen joq jáne arhıtektýralyq syzba boıynsha ǵımarattyń qasbeti burynǵydaı qalpyna keltirildi. Onyń beınesi, stıli tipti ólshemderiniń pishini de bastapqy túrinde saqtalǵan. Bul joba osy ǵımarattyń avtorymen birge jasaldy.

«Búgingi kúni apparattyq stýdııa kesheni (ASK-2 ) jobaǵa sáıkes, bastapqy qalpyna keltirildi. Biz 100 paıyz arhıtektýralyq qurylymdy saqtadyq», - dep tolyqtyrdy A. Ahmetjanov.

«Teleortalyq» Tımırıazev jáne Jeltoqsan kósheleriniń qıylysynda ornalasqan. Bul - Almaty úshin biregeı nysan. Televızııa úshin apparattyq stýdııa keshenin salý týraly sheshim 1970 jyly qabyldanǵan bolatyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir