15 Qarasha, 2019 Barlyq aımaqtar
Ásirese, Reseıge bet túzegenderdiń qatary sońǵy kezde kúrt kóbeıe tústi, dep jazady Qamshy.kz aqparat agenttigi Statıstıka komıtetiniń deregine súıene otyryp.
Sońǵy toǵyz aıda shetelge 34 myńnan asa adam qonys aýdarǵan. Bul ótken jylǵy esepten salystarǵanda 8 paıyzǵa kóp. 2018 jyly 31,6 myń adam kóshin syrtqa qaraı túzegeni belgili.
Mamandardyń zertteýine qaraǵanda, ásirese Reseıge qonys aýdarǵandardyń sany artyp otyr. Sońǵy toǵyz aıda syrtqa ketken 34 myń adamnyń 30,4 myńy Reseıge kóship ketken kórinedi. Al Reseıden qazaq elinen kelgenderdiń sany 2,2 myń shamasynda.
Al syrtqa ketkenderdiń sany jóninen ekinshi oryndy nemister alady. Shamamen 2,1 myń adam Germanııaǵa qonys aýdarǵan. Al Belarýs eline 297 qazaqstandyq ketken. О́zbekstanǵa -220, al AQSh-qa 190 qazaqstandyq qonys aýdarǵan. Sonymen qatar, Qyrǵyzstan, Izraıl, Qytaı, Túrkııa men Kanada eline ketkender de barshylyq.
Sońǵy 9 aıdyń kórsetkishterine nazar aýdaratyn bolsaq, syrt elge negizinen qalada turatyn qazaqstandyqtar ketip jatyr. Qonys aýdarǵandardyń 28,8 myńy, ıaǵnı 84,1 paıyzy qalalyqtar eken. Al aýyldyq eldimekenderden shamamen 5,4 myńdaı adam ketken.
Al qaı jaqtan Qazaqstanǵa kóptep kelip jatyr? Bul oraıda О́zbekstannan keletinderdiń shoǵyry kóp bolyp tur. Sońǵy ýaqytta О́zbekstannan 3 myńǵa jýyq, Reseıden 2,2 myń, Qytaıdan 668 adam kóship kelgen.
Negizinen halyq Shyǵys Qazaqstan, Qaraǵandy, Qostanaı, Pavlodar men Soltústik Qazaqstan oblysynan kóship jatyr. Olardyń qonystanǵan jeri – Reseı aýmaǵy.
...Bul durys ta shyǵar. Olardyń tarıhı otany Reseı ǵoı.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir