Jerdi tıimdi paıdalanýǵa basymdyq berilýde

Qazaqstan Respýblıkasynyń Prezıdenti Qasym-Jomart Toqaev «Syndarly qoǵamdyq dıalog-Qazaqstan turaqtylyǵy men órkendeýiniń negizi» atty Qazaqstan halqyna Joldaýynda jer resýrstaryn tıimdi paıdalaný máselesine aıryqsha nazar aýdardy.

«Jer resýrstaryn tıimsiz paıdalaný máselesi óte ózekti bolyp otyr.

Jerge salynatyn tikeleı salyqtar deńgeıiniń tómendigi jaǵdaıdy kúrdelendire tústi.

Memleketten jerdi tegin jalǵa alý quqyǵyna ıe bolǵandardyń kópshiligi jerdi ıgermeı, bosqa ustap otyr.

Elimizde «shóp qoryǵan ıttiń» kebin kıgen «latıfýndıster» kóbeıip ketti.

Paıdalanylmaı jatqan aýyl sharýashylyǵy jerlerin qaıtaryp alatyn kez keldi. Jer – bizdiń ortaq baılyǵymyz jáne ony kim ıgerse, soǵan tıesili bolýy tıis»dedi Memleket basshysy.

Qazirgi tańda Jambyl oblysynda jer kadastryndaǵy málimetterge sáıkes 92 myń gektar jaıylym jerler bekitilgen 364 jer paıdalanýshylar tizimi jasaldy. Oblys ákimdigi jer qatynastary basqarmasynyń basshysy Baqtııar Kópbosynovtyń aıtýynsha, osy jerlerdi jer paıdalanýshylarmen kelise otyryp aýyldyq ákimdikterge bekitip berý arqyly 57 aýyldyq okrýgter boıynsha jaıylymdarǵa suranysty qanaǵattandyrýǵa bolady. Mysaly, osy jyly Jýaly aýdanynda kórsetilgen aýmaqqa kiretin 120 gektar jaıylymnyń 100 gektary memleketke qaıtaryldy

Zerdeleý nátıjesinde aýylsharýashylyǵy kásáporyndary, sharýa-fermer qojalyqtary, ózindik qosalqy sharýashylyqtar boıynsha tirkelgen mal basynyń esebi naqtylandy.

Alynǵan málimetterge sáıkes 2019 jylǵy mal basy 1992 jylmen salystyrǵanda qoı-eshki 4,238 myń, túıe 2,1 myń, basqa kemigen Mal basy týraly málimetterge jáne Aýylsharýashylyǵy mınıstrligimen bekitilgen jaıylymdar júktemesine sáıkes jaıylymdarǵa qajettilik esepteldi.

Bul oraıda eń kó pqajettilik obly sturǵyndarynyń jeke ıeligindegi mal basy boıynsha qalyptasyp otyr.Osynyń saldarynan sońǵy jyldary eldimekender mańaıyndaǵy jaıylymdarǵa júkteme shamadan artyp, bul jerler degradasııaǵa ushyraýda.

Taldaý nátıjesi oblys aýdandarynda ıeliginde jaıylym jerleri bar 5574 agroqurylymdardyń birde-bir bas mal ustamaıtyndyǵyn kórsetti. Osynyń saldarynan eldimekender mańyndaǵy jaıylymdarǵa júkteme artyp, bul jerler degradasııaǵa ushyraýda.

Búginde oblys ákimdiginiń jer qatynastary basqarmasy osy baǵyttaryn jumysyn jandandyrýda.