• USD 389.52
  • EUR 429.21
  • RUB 6.07
  • CNY 54.94
12 Jeltoqsan, 02:48:25
Qazaqstan Ýkraınanyń saýda naryǵyna alańdaýly

20 Qazan, 2019 Aımaqtar

Prezıdent Joldaýy túsindirilýde

Qyrkúıektiń basynda El Parlamentiniń birlesken otyrysynda memleket basshysy Qasym-Jomart Toqaevtyń «Syndarly dıalog — Qazaqstannyń turaqtylyǵy men órkendeýiniń negizi» atty Joldaýy jarııalanǵany málim. Qalyptasqan úrdis boıynsha Joldaý jarııalanǵannan keıin ýaqyt uzatpaı Úkimetten bastap jergilikti atqarýshylardyń Joldaýdan týyndaıtyn mindetterdi belgileý, Joldaý nasıhaty degen tıisti sharalary bar. Úrdisti sharalar Joldaýdyń izinshe Jambyl óńirinde de qarqyndy júrýde.

Máselen, jýyrda Moıynqum aýdandyq aqparattyq toptyń músheleri «Moıynqum tańy» gazetiniń bas redaktory Súndetýlla Ábilov pen aýdandyq taýarlar men kórsetiletin qyzmetter sapasy men qaýipsizdigin baqylaý basqarmasynyń basshysy Samat О́skenbaev Prezıdent Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty Qazaqstan halqyna arnaǵan Joldaýyn Kúshaman, Jambyl aýyldarynyń halqyna túsindirý boıynsha jıyn ótkizdi.

Kúshaman aýylyndaǵy mektepte ótken jıyndy aýyl ákimi Keńesbaı Sarbasov, al Jambyl aýylyndaǵy mektepte ótken jıyndy aýyldyq okrýgtiń ákimi Ermak Jumabekov ashyp, júrgizip otyrdy. Joldaýda aıtylǵan «Zaman talabyna saı tıimdi memleket», «Azamattardyń quqyqtary men qaýipsizdigin qamtamasyz etý», «Qarqyndy damyǵan jáne ınklıýzıvti ekonomıka», «Áleýmettik jańǵyrýdyń jańa kezeńi», «Qýatty óńirler – qýatty el» baǵyttaryna jeke-jeke toqtalǵan olar, ony óz aýdanymyzda atqarylyp jatqan ıgilikti istermen baılanystyra otyryp baıandady.Eki aýyl halqynda Jambyl oblysynyń ákimi A.Myrzahmetovtiń halyqtyń turmysyn jaqsartý jolyndaǵy jańa jobasymen de tanystyrdy. Jobadaǵy 5 baǵyt mysaldar keltire otyra túsindirildi.Kúshaman aýylynda A.Bekbergenova aýyldaǵy aýyz sýdyń sapasy týraly surasa, Jambyl aýylyndaǵy jıynda mektep muǵalimi A.Kenjebekov aýylda egin sýynyń 4 aıdan beri joqtyǵyna qynjylys bildirdi. Sonyń kesirinen úı irgesindegi egistik jerler paıdalanylmaı qalǵanyn aıtty. Jalpy jıyndarda eki aýyl halqy da Prezıdent Joldaýyn qoldaıtyndyqtaryn bildirip, ondaǵy aıtylǵan máselelerdiń oryndalýyna úles qosatyndaryn jetkizdi. Sondaı-aq oblys ákiminiń jobasy da oryndy ekenin atap ótti.Jıynda mindetti áleýmettik saqtandyrý júıesi týraly da maǵlumat berilip, aýdandyq «Moıynqum tańy» gazetine 2020 jylǵa jazylý týraly da sóz qozǵaldy.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir