• USD 389.52
  • EUR 429.21
  • RUB 6.07
  • CNY 54.94
30 Qańtar, 04:04:54
Qazaqstan Ýkraınanyń saýda naryǵyna alańdaýly

19 Qazan, 2019 Aımaqtar

Qordaıda quptarlyq bastama kóp

Jambyl oblysyndaǵy irgeli aımaqtardyń biri-Qordaı aýdany keıingi jyldary qaryshtap damyp keledi. Bul, árıne, Elbasy Joldaýynda aıqyndalǵan mindetterdiń jemisi ekendigi daýsyz. Mysaly, óńirde memlekettik baǵdarlamalardyń nátıjesinde jańa kásipkerlik nysandary ashylyp, jurtshylyqty jumyspen qamtýǵa oń septigin tıgizýde.

Búginde Sarybulaq aýyldyq okrýgi aýmaǵynda ornalasqan, tek Qazaqstan ǵana emes, jalpy Orta Azııada balamasy joq veterınarlyq dári-dármek shyǵaratyn «Bıovet» JShS-niń tnysy-tirshiligi kim-kimdi de qyzyqtyrmaı qoımaıdy. Kásiporyn basshysy Ýálı Shangaraevtyń aıtýynsha, búginde barlyq qurylys jumystary aıaqtalǵan. Seriktestik qosymsha ınvestorlar izdeýmen qatar, preparat shyǵaratyn qondyrǵylar alý úshin nesıe alýǵa qujattaryn da ótkizip qoıypty. Qarjy tolyǵymen tabylǵan jaǵdaıda veterınarlyq preparattarmen búkil elimizdi qamtýǵa óndiristik qýaty jetetin seriktestik respýblıkany shetelge degen táýeldilikten tolyqtaı aryltýy tıis.

Qordaı aýylynyń mańynan oryn tepken «Grınvıl» JShS-niń akvaponıka ádisin qoldanyp otyrǵan jylyjaı keshenniń tirligi de kóptiń nazarynda. Ońtústikkoreıalyq tehnologııalar qoldanylǵan jylyjaı jaqyn bolashaqta tolyǵymen jumysyn bastamaq. «MANN CEA» dep atalatyn álemdegi úzdik akvaferma óndirýshi kompanııasynan tapsyryspen alynyp, búgingi kúnge tolyq ornatylǵan biregeı óndiristik jylyjaı jylyna 300 tonnadan astam «Aısberg», «Rýkkola», «Lıstovoı», «Roblen» syndy joǵary ónimdi salat túrleri men 40 tonnadan astam «Tılapııa» balyǵyn satylymǵa shyǵarmaq nıette.

Al «Pervomaıskıe delıkatesy» JShS- jylyna 6380 tonna et óndire alatyn áleýetke ıe kásiporyn. Búgingi tańda azyq-túlik ónimderin óndiretin kásiporyndarynan talap etiletin «NASSR» standarttaryna sáıkes sertıfıkaty bar seriktestik byltyrǵy jyldyń ózinde 260 tonna et ónimin óndirip, taýaryn elimizdegi eń iri gıpermarketter arqyly satylymǵa shyǵarǵan. Endigi kezekte etti shetelge eksporttaýǵa barlyq múmkindigi bar seriktestikke sol baǵytta jumystardy jandandyrý qajet bolyp otyr. Munda da sheteldik ozyq tehnıkalar talapqa saı jumys istep, aýdan turǵyndary jumyspen qamtylyp otyrǵan jaıy bar.

Qordaıdaǵy «Central AsiaGold Production» jaýapkershiligi shekteýli seriktestiginiń altyn jáne kúmis metaldarynyń qorytpasyn óńdeý zaýytynyń jumysy da kósh ilgeri.

2017 jyly 117 keli altyn, 15 keli kúmis, al 2018 jyly 97 keli altyn, 14 keli kúmis óndirgen kásiporyn óndirilgen rýdany usaqtaý keshenin Ońtústik Afrıka memleketinen qomaqty qarjyǵa satyp alǵan. Bıylǵy jyly óndiris kólemi tómendegenimen, seriktestik ókilderi onyń tek ýaqytsha ekenin aıtyp otyr. О́ndiris ornynyń bolashaǵy zor.

Bir sózben aıtqanda Qordaıdaǵy aýqymdy jobalar kóńil qýantarlyqtaı. Aldaǵy josparlardyń da aýqymy úlken.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir