• USD 389.52
  • EUR 429.21
  • RUB 6.07
  • CNY 54.94
21 Qarasha, 00:35:09
Qazaqstan Ýkraınanyń saýda naryǵyna alańdaýly

15 Qazan, 2019 Saıasat

Kedeı eldi álemge áıgili memleketke aınaldyrǵan saıasatkerdiń úzdik 10 qaǵıdasy

Eger memleket durys basqarylmasa, aqyldylar elden ketýge májbúr bolady. 

Lı Kýan Iý – qaıtalanbas kóshbasshy jáne Sıngapýr eliniń negizin qalaǵan alǵashqy premer-mınıstr. Ol 2015 jyly 91 jasyna qaraǵan shaǵynda dúnıeden ozdy. Lı Kýan Iý reformalary artta qalǵan Azııa elin aldyńǵy qatardaǵy memleketke aınaldyrǵan saıasatker retinde tarıhta qaldy. Onyń esimi ekonomıkadaǵy ǵajaıyp sózimen qatar aıtylady. Tipti onyń Sıngapýrdaǵy ǵajaıyptyń ákesi degen aty da bar.  Saıasatkerdiń qaǵıdalary birneshe tilge aýdarylyp, joǵary baǵalanýda. Onyń jemqorlyq, saıasat týraly qaǵıdalary shynshyldyǵymen erekshelenedi. Ol kedeı eldi ataqty Sıngapýrǵa aınaldyrǵanyn maqtanyshpen aıtyp júrgen. 

"Biz eshteńesi joq elden Sıngapýr jasap shyǵardyq.  150 adamnan turatyn balyqshylar aýylyn ekvatorǵa jaqyn tanymal qalaǵa aınaldyrdyq", – deıdi Lı Kýan Iý. 

Qamshy.kz aqparat agenttigi Lı Kýan Iýdyń qaǵıdalaryn oqyrman nazaryna usynady. 

***

Jemqorlyqty túp tamyrymen joıýdy ózińizdiń 3 jaqyn dosyńyzdy túrmege qamaýdan bastaý kerek. Olardyń kim ekenin siz jaqsy bilesiz. 

***

Bılikti óz paıdasyna asyrý kezindegi adamnyń tapqyrlyǵynan asqan tapqyrlyq joq. 

***

Talantty adamdar ár memlekettiń asyl qazynasy. 

***

Tabysty basqarýshylar qumdaǵy injý. 

***

Bizdiń halyq basqalardan kómek suraýdy ádetke aınaldyrmaý kerektigine senimdi boldym. Biz jetistikke jetýdi qalasaq, tek ózimizge ǵana senýimiz qajet. 

***

Álsiz adamdar ǵana ońaı joldy tańdaǵandarǵa daýys beredi. Biraq shyn máninde ońaı jol joq. 

***

Eger memleket durys basqarylmasa, aqyldylar elden ketýge májbúr bolady. 

***

Jaýyngerlik rýhynan aıyrylǵandar úıde otyryp shulyq toqysyn. Saıasat ynjyqtarǵa arnalmaǵan. Oǵan beriktik pen 100 paıyz senimdilik qajet. 

***

Biz jumysqa degen jańa kózqarasty qalyptastyrýymyz qajet. Jalaqynyń kóp bóligi jumsalǵan ýaqytqa emes, nátıjege baılanysty bolý kerek. 

***

Eger joǵary bilimdi er adam joǵary bilimdi áıelge úılengisi kelmese, men oǵan aqymaq dep qana aıta alamyn. Eger siz joǵary bilimi joq áıelge úılenseńiz kóptegen qıyndyqtar týyndaıdy. Bir balań aqyldy bolsa, endi biri aqymaq, nadan bolady. Sol kezde sen jyndanyp ketetiniń anyq.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir