11 Qazan, 2019 NEWS
Pavlodar oblysynda tamaqtan 7 bala ýlandy
Qala syrtyndaǵy aýyl mektebiniń oqýshylary ınfeksııalyq aýrýhanaǵa jetkizildi. Oqıǵaǵa baılanysty mekemede tekseris bastaldy.
Pavlodar oblysy densaýlyq saqtaý basqarmasynyń baspasóz baıandamasyna súıenip, Pavlodarskoe aýylyndaǵy mektep ashanasynda jeti bala ýlanyp qalǵandyǵy týraly Qamshy.kz aqparat agenttigi habarlaıdy.
Ata-analardyń sózinde, balalar ashanada tamaqtanǵan soń, ýlaný belgileri baıqalǵan. Oqýshylar oblystyq aýrýhanaǵa jetkizildi.
№40 mekteptiń ata-analar komıtetiniń múshesi Sáýle Shákibaevanyń balalar bálishten ýlanýy múmkin degen boljamyn aıtty. Balalarda ýlaný belgileri túnde baıqalǵanymen ata-analary tańerteń jedel járdem shaqyrǵan.
№40 mektep dırektorynyń orynbasary Elena Mınaevanyń aıtýynsha, mektep ákimshiligi jaǵdaıdy baqylaýǵa alǵan. Ata-analardyń shaǵymy tekserilip jatyr. Sanıtarlyq-epıdemıologııalyq qorytyndydan soń sheshim qabyldanady.
Pavlodar oblysy densaýlyq saqtaý basqarmasynyń ana men balany qorǵaý bóliminiń qyzmetkerleri balalardyń jaǵdaıy qanaǵattandyrarlyq ekenin jetkizdi.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir