• USD 389.52
  • EUR 429.21
  • RUB 6.07
  • CNY 54.94
14 Qazan, 05:16:32
Rasýl Jumaly: Qandastardyń «taý-tasty basyp óttik» deýi qısynǵa kelmeıdi

09 Qazan, 2019 Aımaqtar

Júgeriniń jańa tuqymy tanystyryldy

Jambyl oblysy búginde tuqym sharýashylyǵy boıynsha ózgelerden kósh ilgeri keledi. Sharýalar jańa tuqym túrlerin shyǵaryp ǵana qoımaı, tájirıbelerimen bólisýde. Mine sondaı alqaly jıynnyń biri sapaly tuqym satatyn «Sygenta» jáne «AG Agro» kompanııalarynyń uıytqy bolýymen Sarybulaq aýyldyq okrýgindegi «Samǵaý» sharýa qojalyǵynyń alqaptarynda ótti. Onda Qordaı aýdany dıqandary bas qosyp, júgeriniń jańa gıbrıdtik tuqymy tanystyryldy dep jazady Qamshy.kz aqparat agenttigi.  Búginde óńirimizdiń sharýalary ónimdilikti arttyrý úshin tıimdi tásilderdi paıdalanyp, sertıfıkattalǵan tuqym egip, jańa tehnologııalar men ósimdikterdi qorǵaý ádisterin kóptep paıdalanýda. Osylardyń qataryna «Samǵaý» sharýa qojalyǵyn jatqyzýǵa bolady. Júgeri ósirýde aýdan, qala berdi oblys kóleminde kóshbasshylar qatarynan tabylatyn «Samǵaý» ShQ zamanaýı tehnologııalardy tıimdi paıdalanýdyń arqasynda jyldan jylǵa ónim kólemin arttyryp, bul iste aldyna jan salmaı keledi. Munymen qosa, Evgenıı Trýbnıkov basqaryp otyrǵan agroqurylym ózge sharýalarmen tabysqa jetýdiń jańa joldarymen, onyń tyń tásilderimen bólisýdi dástúrge aınaldyrǵan. Oǵan dálel retinde qojalyq atalǵan «Sygenta» kompanııasynyń ókilderin shaqyryp, «dala arýyn» baptaýdyń qyr-syryn úıretetin is-shara uıymdastyrdy. Semınar barysynda gıbrıdti tuqymdardy durys tańdaý, topyraqty qorektendirý, paıdaly tyńaıtqyshtardyń túrleri, olardy tańdaý erekshelikteri men qoldaný qaǵıdalary jaıynda keńinen áńgime órbidi. Aıta ketsek, semınar ótkizý ortalyǵy retinde «Samǵaýdyń» egin alqaptary beker tańdalǵan joq. Munda óńirdiń topyraǵy men aýa raıy jaǵdaıyna keletin surypty anyqtaý maqsatynda jyl saıyn 15-ten 20-ǵa deıin júgeriniń gıbrıdti tuqymdary egiledi eken.

Is-shara barysynda «Syngenta» kompanııasynyń ókilderi mol ónimge qol jetkizý tásilderin qarapaıym tilmen jetkizip berdi. Bıyl atalmysh egis alqabyna «SI Atomık FAO 550», «SI Kobalt FAO 320», «SI Djýlen FAO 600», «SI Anteks FAO 700», «SI Gelıým FAO 700», «SI Zefır FAO 360», «SI Maıamı FAO 660» suryptary jáne bıylǵy jyldyń jańalyǵy «SI Gıdro FAO 700» surypy egilgen. «Syngenta» kompanııasynyń sarapshysy ret-retimen ár suryptyń ereksheligin atap ótip, júgeri sobyǵyn úzip, arnaıy qurylǵymen ylǵaldylyǵyn tekserdi. Sebebi, ylǵaldylyq joǵary bolsa, ónim keptirgennen keıin ǵana qambaǵa túsip, satýǵa jaramdy bolady. Al, bul qosymsha shyǵyn, oǵan qosa ýaqytty talap etetin is ekeni aıtpasa da belgili. Zamanaýı suryptar bolsa qajetti ylǵaldylyqqa tez jetip, dánekterdi keptirý satysynan jyldam ótýge múmkindik beredi.

Osy oraıda, semınar barysynda kompanııa ókilderi qatysýshylardyń nazaryna júgeri ósirý tıimdiligin arttyrýǵa baǵyttalǵan keshendi baǵdarlamalaryn usyndy. Kompanııa usynǵan gıbrıdter arnaıy Jambyl jáne Almaty oblystaryna beıimdelgenin atap ótken jón. Máselen, «SI Maıamı FAO 660» gıbrıdi mol ónim beretin suryp retinde tanylyp úlgergen. Pisý jáne jınaý kezinde qajetti ylǵaldylyqqa tez jetý atalmysh tuqymnyń ereksheligi bolyp tabylady. Mamandardyń aıtýynsha, bul suryp 2018 jyldyń qorytyndysy boıynsha 14 paıyz ylǵaldylyqta 130 sentner ónim bergen. Bul óńirdiń aýa raıynyń qolaısyz jaǵdaıy men óńir topyraǵynyń qunarlylyǵyn esepke alǵanda tamasha kórsetkish.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir