• USD 389.52
  • EUR 429.21
  • RUB 6.07
  • CNY 54.94
15 Qazan, 10:35:19
Ermekbaev: Jumys qaýipti, ómirleri úshin qaýip-qater bar

09 Qazan, 2019 NEWS

Mınıstr Erlan Turǵymbaev: Esirtkiden qansha adam ólýi kerek?

Qazaqstanda jyl basynan beri 799 esirtki qylmysyn anyqtaldy

Jeti kúnniń ishinde kelige jýyq sıntetıkalyq esirtki tárkilendi, – dep Qamshy.kz aqparat agenttigi habarlaıdy Qazaqstan Respýblıkasy IIM baspasóz qyzmetine silteme jasap.  

IIM Esirtki qylmystaryna qarsy is-qımyl bólinisteri elimizde esirtkiniń zańsyz aınalymyna qatysty 37 qylmysty anyqtap, tirkedi. Onyń ishinde 23-i esirtki ótkizý faktisi, altaýy asa iri mólsherde saqtaý, tórteýi kontrabanda jáne quramynda esirtki bar ósimdikterdi ósirýdiń 3 faktisi esepke alyndy. Bir zańsyz "nashaqorlar uıasy" jabyldy.

 Polısııa qyzmetkerleri zańsyz aınalymnan 138.5 keli esirtki tárkilegen. Onyń ishinde: 137 keli marıhýana jáne  "skorost" dep atalatyn 920 gramm sıntetıkalyq esirtki alyndy. О́skemen qalasynda kıiminiń shine 9 orama jasyrǵan jergilikti turǵyn ustaldy. Oramanyń ishinen untaq jáne túıirshikter túrindegi zattar tabyldy. Kúdiktiniń páterine tintý júrgizý kezinde kreslolardyń qańqasynan taǵy bir orama, sondaı-aq uıalytelefonnyń qoraby shyqty, onyń ishinde de túıirkish hattar bar bolyp shyqty. Odan barlyǵy 411 gramm sıntetıkalyq esirtki tárkilendi.

Odan ózge Almaty qalasynda bir azamattyń avtokóligine tintý júrgizgende aldyńǵy jolaýshylar oryndyǵynyń astynan jalpy salmaǵy 502 gramm sıntetıkalyq esirtkisi bar eki polıetılen paketteri tabyldy. Psıhotroptyq zattardy satyp alý kózderi men taratý arnalaryn anyqtaý boıynsha jedel-izdestirý is-sharalary júrgiziledi. Qalada sondaı-aq esirtki ótkizgeni úshin jergilikti turǵyn ustaldy. Polıseıler odan marıhýana salynǵan paket, 4 gramm geroın jáne sıntetıkalyq esirtki, sondaı-aq patrondary bar revolver tárkiledi. Kúdikti ýaqytsha ustaý ızolıatoryna qamaldy. Málimetterge súıensek, esirtki qylmysymen kúreske azamattar da kómek kórsete alady. Ol úshin IIM-niń WhatsApp (+77777856651) "qaýyrt jelisi" iske qosylǵan kúnnen bastap 10 kún ishinde esirtkiniń zańsyz aınalymy týraly 200 habarlama kelip tústi. Bul aqparattar negizinen esirtkini taratatyn saıttar nemese telegramma-arnalar jarnamasy bar graffıtı-sýretter týraly boldy. 29 ótinish esirtkini taratatyn ınternet-resýrstarǵa tikeleı qatysty jiberildi. Qazirgi ýaqytta olardy oqshaýlaý jumystary júrgizilýde. Jeke habarlamalar boıynsha jedel-izdestirý is-sharalary júrgiziledi.

Esterińizge salsaq, Memleket basshysy IIM aldyna esirtkiniń taralý joldaryn joıý jáne krımınaldyq isterdiń qatysýshylaryna jazany kúsheıtý jóninde mindet qoıǵan bolatyn. Esirtkige qarsy is-qımyl departamenti qyzmetkerlerimen ótkizilgen jumys keńesiniń barysynda Ishki ister mınıstri Erlan Týrgýmbaev polısııa esirtki qylmystaryn anyqtaýdyń jáne jolyn kesýdiń ádisterin jetildire otyryp, esirtki qylmystaryna jol bermeý úshin jumys isteýi tıis dep atap ótti.

IIM-niń basshysy azamattardy qoryqpaýǵa jáne esirtki quqyq buzýshylyqtary týraly anonımdik telefonǵa habarlaýǵa shaqyrdy. "Esirtkiniń jekelegen otbasylar úshin ǵana emes barlyq qoǵam úshin qıratýshy kúsh ekenin barsha halyqtyń túsinýi úshin qansha  jas qyrshynynan qıylýy kerek, esirtkiden Qazaqstanda qansha adam ólýi kerek? Jastarymyzdyń bolashaǵy bizdiń bárimizdi beı-jaı qaldyrmaıdy dep oılaımyn. Sondyqtan azamattardy osy indetpen birlese kúresýge shaqyramyn!" – dedi mınıstr Erlan Turǵymbaev.

 Jyl basynan bastap polısııa qyzmetkerleri 1799 esirtki qylmysyn anyqtady. 18 tonna 990 keli esirtki, onyń ishinde 6 tonna 128 keli marıhýana, 353 keli gashısh, 18 keli geroın, 6,5 keli sıntetıkalyq esirtki alyndy.  Odan ózge 5 uıymdasqan qylmystyq toptyń áreketine tosqaýyl boldy. Esirtkiniń zańsyz taralýynyń nátıjesinde alynǵan 2,5 mln. teńgeden astam qarjy memleket kirisine qaıtaryldy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir