• USD 389.52
  • EUR 429.21
  • RUB 6.07
  • CNY 54.94
19 Qazan, 16:43:48
Nazarbaev: "Nur Otan" halyqty mazalaıtyn máselelerge aralaspaıdy

08 Qazan, 2019 Saıasat

Nazarbaev: Meni aıaǵymnan shaldy

Nazarbaevtyń biz bilmeıtin syrlary jarııa boldy

Qazaqstannyń eks-prezıdenti Nursultan Nazarbaevtyń baspasóz qyzmeti Instagram jelisindegi elbasy_live paraqshasynda Nazarbaevtyń suqbatynan úzindi jarııalady. Burynyraqta túsirilgen vıdeoda Qazaqstannyń burynǵy prezıdenti alǵash jemqorlyqpen qashan jáne qaıda kezdeskengendigi, nelikten ushqysh bola almaǵandyǵy men júrekke alǵash tıgen aýyr soqqysy týraly áńgimelep bergen.

– Bul medal ıegerleri de emtıhan tapsyratyn 1958 jyl edi. Men sol kezde alǵash ret tamyr-tanystyqpen betpe-bet keldim, ınstıtýtta. Almatyda eshqandaı tanysymyz bolmady. Ákemniń meniń ulym oqýǵa túsip jatyr edi dep aıtatyn eshkimi joq edi. Qolynan kelgen jalǵyz múmkindik – qasharyn satty. 2300 rýbl boldy, osy aqshany berdi de: "Bar, oqy" dedi. Men konkýrstan óte almadym",  – dep eske aldy Nazarbaev.

Nazarbaevtyń aıtýynsha, bul onyń ómirindegi alǵashqy aýyr soqqy boldy. Buǵan deıin únemi joly bolyp júrgen.

– Olaı bolady dep oılamadym, óıtkeni barlyq pándi jetik bildim. Basqa bireý ótý úshin, tipti men onyń kim ekenin de bilemin, meniń aıaǵymnan shaldy. Ol qandaı da bir bastyqtyń balasy edi,  – deıdi ol.

Bolashaq prezıdent bastapqyda qujattaryn hımııa fakýltetine tapsyrypty. Sol jerde alǵashqy pánnen emtıhanǵa kirgeninde-aq bir hımıktiń kózine túsedi.

– Ol ne oqytýshy, ne dekan edi, esimde joq. Ol meniń oqýǵa túsip ketýimdi qadaǵalady, óıtkeni hımık bolǵaly júr edim. Bilimim tereń ekenin kórdi. Ol maǵan qatty qynjylyp turyp: "seni osyndaı is boıynsha qulatady", – dedi. Men olaı bolýy múmkin emes dep senbedim. Sodan syrtqa shyǵyp, tizimdi qarap, ózimdi tappadym, – dep jalǵastyrdy Elbasy. 

Jas talapkerdiń dál sol jerde Kıev azamattyq áýe flotynyń ınstıtýtyna qabyldaý júrip jatqany jaıly habarlandyrýdy kózi shalyp qalady.

– Qujattarymdy kórsetip edim, birden ózderine tartty. Úıge qaıtpasam boldy. Áýejaıǵa alyp keldi, sonda barlyq medısınalyq tekseristen óttim. Densaýlyǵyń jaqsy dedi. Kıevke barýǵa ózderi bılet satyp alyp berdi, – deıdi ol.

Qoshtasaıyn dep úıge kelgende, onyń ushqysh bolatynyn estip, búkil aýyl jınalady.

– Anam kózine jas aldy. Bas tartpaımyn dep edim: "seni qarǵaımyn" dedi. Ananyń qarǵysyn óteý múmkin emes. Solaı tárbıelendik qoı. "Saǵan jerde jumys jetpeı jatyr ma dep keıidi. Jibermedi. Biraq men Shamalǵanda báribir qalmaıtynymdy aıttym, – dedi Elbasy.

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir