• USD 389.52
  • EUR 429.21
  • RUB 6.07
  • CNY 54.94
16 Qazan, 01:41:33
Saılaý qarsańynda "joǵalyp ketken" akter Shrı-Lankadan sálem joldady (vıdeo)

02 Qazan, 2019 Aımaqtar

Múmkindigi shekteýli jandar da jumyssyz qalmaıdy

Jambyl oblysynda múmkindigi shekteýli jandardy jumyspen qamtý máselesi jiti nazarda. Aǵymdaǵy jyly bul maqsatqa qazynadan 1 mıllıard 600 mıllıon teńge qarjy qarastyrylyp otyr, dep jazady Qamshy.kz aqparat agenttigi. 

Nátıjesinde jyl basynan beri 237 múgedek ýaqytsha qoǵamdyq jumyspen qamtylǵan. Onyń 37-si Taraz qalasynyń turǵyny bolsa, qalǵan 200-i aýdandarda turady. Sol sekildi, áleýmettik jumys oryndaryn dál osy osy sanatqa jatatyn 39 azamat ýaqytsha jumyspen qamtylǵan.

Oblys ákimdigi jumyspen qamtýdy úılestirý jáne áleýmettik baǵdarlamalar basqarmasynyń basshysy Tımýrjan Nurymbetov óńir basshysynyń tapsyrmasyna saı múmkindigi shekteýli azamattardy jumyspen qamtý josparynyń tártibi men erejesin bekitýde máseleniń barlyǵy qyry muqııat zerdelenetin aıtady.

– Áleýmettik baǵdarlamalar arqyly eń aldymen múmkindik shekteýli jandardy jumyspen qamtý isine basymdyq beriledi. Bul atalǵan topqa jatatyn azamattardyń áleýmettik jaǵdaıyn jaqsartýǵa baǵyttalyp otyr.

Búginde oblys aýmaǵynda 45 260 múgedek turady. Onyń ishinde 15 000 múgedekti kúndelikti turmysqa qajetti qurylǵylarmen qamtamasyz etýge 2 mıllıard teńge qaraldy. Múmkindigi shekteýli jandardy jumyspen qamtýda mańyzdy shara. Bıyl 2528 múgedek jumysqa ornalysty.Bul maqsatta múmkindigi shekteýli jandarǵa arnalǵan bos jumys oryndary jármeńkesi turaqty ótkizilip keledi, – deıdi Tımýrjan Bıdaıbekuly.

Jalpy oblysta bıyl halyqty jumyspen qamtý sharalaryna 11,2 mıllıard teńge qarjy qarastyrylǵan. Atalǵan qarjyny maqsatty ıgerý nátıjesinde kúni búginge deıin jumyspen qamtýdyń belsendi sharalaryna 29 920 jambyldyq tartylǵan. Sondaı-aq 3883 adam kásiptik oqytýmen qamtylsa, 3103 adam qysqartylǵan oqytý kýrstaryna jiberildi. Oqýdy támamdaǵan soń olarǵa arnaıy sertıfıkattar da tabystalady. Tipti osyndaı kýrstardan ótken keıbir jambyldyqtar ózderiniń shaǵyn jáne mıkro bıznesterin damytýǵa 505 myń teńge kóleminde grantty ıelený konkýrsyna da belsene qatysyp jatyr. Sonymen qatar Jastar jyly aıasynda jas kásipkerlerdiń ozyq bıznes ıdeıalaryn júzege asyrý úshin 166 mıllıon teńge kóleminde 329 grant bólingenin de aıta ketý kerek. Buǵan qosa kóp balaly analardyń kásipkerlik ıdeıalaryn iske asyrý úshin 611 grant bólindi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir