• USD 389.52
  • EUR 429.21
  • RUB 6.07
  • CNY 54.94
18 Qazan, 13:24:12
Sarapshylar joldaýdyń júzege asyrylýyn talqylady

02 Qazan, 2019 Aımaqtar

"Aqyldy mektep" jobasynyń múmkindigi mol

Jambyl oblysynda «Sıfrlyq Qazaqstan» memlekettik baǵdarlamasynyń múmkindigi bilim salasyna tyń serpin berip qana qoımaı, kolledj, mektep oqýshylarynyń qozǵalysyn baqylaýǵa múmkindik berip otyr. О́ńirde «Novacom tehnology» kompanııasymen birlesip júzege asyrylyp otyrǵan «Aqyldy mektep» jobasy arqyly ata-analarǵa óz balalarynyń mekteptegi júris-turysyn onlaın-rejımde baqylaýǵa qol jetkizbek, dep jazady Qamshy.kz aqparat agenttigi. 

«Aqyldy mektep» jobasyaıasynda ata-analar úshin mektep ashanasynda balasynyń kúndelikti tutynatyn as mázirin qadaǵalap, ony «elektrondy ámııan» kómegimen tóleý múmkindigi qoljetimdi bola tústi. Bul jobany ótken jyly «Halyq tutynatyn taýarlar» atalymy boıynsha QR Prezıdentiniń «Altyn sapa» syılyǵyna ıe bolǵan «Novacom tehnology» kompanııasy júrgizýde Endigi kezekte «Novacom tehnology» mektepterde sıfrlyq baqylaý – ótkizý qurylǵylaryn ornatyp, «smart school»mobıldi qosymshasyn qoldanysqa engizý múmkindigin qarastyryp otyr.

Mektep ǵımaratyna enetin esiktegi baqylaý – ótkizý qurylǵylary ustazdar men oqýshylardyń bilim berý ornyna kelý-ketý ýaqyty týraly naqty málimetter beriledi.Bul qurylǵylardyń atalǵan málimetterdi tirkeý úrdisi 4 túrli tásil arqyly júzege asady.Onyń basty ereksheligi qurylǵyǵa bıometrııalyq ólshemderdi tekseretin júıeni engizilýinde bolmaq. Bul júıe boıynsha ǵımaratqa kirýde qurylǵyny paıdalanýshynyń bet-beınesi men saýsaq izderi tekseriledi. Baqylaý-ótkizý qurylǵylary dál osyndaı 10 000 adamnyń bıologııalyq málimetterin saqtaı alady. Al ata-analar mektepke kelgen uıaly telefondaryndaǵy «smart school» qosymshasyn padalanady,–deıdi «Novacom tehnology» jaýapkershiligi shekteýligi seriktestiginiń atqarýshy dırektory Indıra Satybaldıeva.

Al oblys ákimdiginiń bilim basqarmasy basshysynyń orynbasary Talǵat Jamalov ta «Aqyldy mektep» jobasynyń mektepterdegi tártipti baqylaýdaǵy tıimdiligin tilge tıek etti.

–Bul jobany júzege asyrý arqyly mektep oqýshylarynyń sabaqtan keshigý, qashý faktilerin 60 paıyzǵa azaıtýǵa qol jetkizilmek. Odan soń mektep ǵımarattaryna bógde adamdardyń kirýine jol berilmeıdi. Sol sekildi ashana qyzmet úshin aqshanyń onlaın tólenýi de quptarlyq qadam. Demek oqýshylarǵa endigi kezekte qaltasyna qolma-qol aqsha salyp júrýdiń qajeti shamaly.Sáıkesinshe dál osy fakti oqýshylar arasyndaǵy tártipsizdiktiń basty sebebi sanalatyn aqsha bopsalaý áreketiniń joıylýyna múmkindik beredi,–deıdi Talǵat Salqanuly.

Aıta ketý kerek buǵan deıin «Novacom tehnology» kompanııasynyń baqylaý-ótkizý qurylǵylary óńirdegi 5 kolledjine qoıylǵan bolatyn.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir