Múmkindigi shekteýli jandar qyzmet etetin kafe ashyldy

  Alǵashynda Azamat úlken aǵasy úshinshi toptaǵy múgedek bolyp qalǵannan keıin  áleýmettik jumys ornyn ashý týraly  oılaıdy. Keıinnen táýekelge bel býyp, óziniń páter satyp alýǵa jınaǵyn aqshasyn arqyly kafeni ashady. Sondaı-aq ákesi ulynyń oıyn quptap, jeke kóligin satyp kómektesedi.

Bazylov kafede jumys isteıtin sańyraý adamdardy aǵasynyń kómegimen tapqanyn aıtty.

– Qazirgi tańda bizdiń  kafeniń turaqty klıentteri bar. Kelýshilerge taǵam tańdaý qıynǵa soqpaıdy. Barlyq mázirlerdi sýretter arqyly kórsetip berdik, tapsyrys berýshige qolaıly bolsyn dep.

Al jumys isteıtinderdiń basym kópshiligi basqa qaladan kelgen. Atap aıtsam, Rınat Nýrym –  taldyqorǵandyq. Ol bul kafeni dostary arqyly estip,arnaıy izdep keldi.

"Biz jumys isteýge nıetti bolǵanymyzben kóbinde kez kelgen jan  jumys taýyp bere almaıdy.Biz úshin taǵy bir múmkindik ashylǵanyna qýanyshtymyz. Men Nur-Sultanǵa kóship kelgenime esh ókinbeımin. Ári qaraı ózimdi damytqym keledi", – deıdi Rınat Nýrym.

Múmkindigi shekteýli ár jan qoǵamnyń múshesi. Olarda ózgeler sekildi qyzmet etý úshin memleket arnaıy jobalardy kóbirek qarastyrsa, búgingideı  oqshaýlanyp qalmas edi.