• USD 389.52
  • EUR 429.21
  • RUB 6.07
  • CNY 54.94
19 Qazan, 16:28:36
Nazarbaev: "Nur Otan" halyqty mazalaıtyn máselelerge aralaspaıdy

24 Qyrkúıek, 2019 Aımaqtar

Jambylda oqýshylar týǵan ólke tarıhymen mýzeıde tanysýda

Búginde Elbasynyń «Bolashaqqa baǵdar: rýhanı jańǵyrý», «Uly Dalanyń jeti qyry» baǵdarlamalyq maqalalarynan týyndaǵan mindetterdi iske asyrý maqsatynda oqýshylardy óńirdegi ólketaný mýzeılerimen tanystyrý jumystary qolǵa alyndy. Sáıkesinshe qulandyq oqýshylar da aýdandyq ólkentaný mýzeıinde bolyp ondaǵy jádigerler arqyly aımaq tarıhyna qatysty kóptegen tyń derekter qanyqty, dep jazady Qamshy.kz aqparat agenttigi. 

Turar Rysqulov aýdandyq mýzeıi 1983 jyldan beri jumys jasaıdy.

–Mundaǵy 9557 jádiger úsh ekspozısııalyq zalǵa ornalasqan. Mýzeıge kelýshilerge arheologııalyq, etnografııalyq, tarıhı zaldar qyzmet kórsetedi. Jádigerlerdiń deni óńirdegi tarıhı Qulan qalashyǵynda júrgizilgen arheologııalyq qazba jumystary kezinde tabylǵan buıymdar jáne turmystyq zattardan turady. Sondaı-aq murajaıda Uly Otan soǵysy tarıhynan habar beretin jádigerler, aýdandaǵy soǵys ardagerleriniń qujattary men marapattary laıyqty oryn alǵan.

Aýdanymyz atyn ıelengen qazaqtyń asyl perzenti Turar Rysqulovqa arnaıy ekspozısııa da jasaqtalǵan.Qazir mýzeıge ólke tarıhymen tanysýǵa qushtar mektep oqýshylarynyń kóptep at basyn burýda, –deıdi aýdandyq mýzeı meńgerýshisi Esnazar Qurymbaev.

О́z kezeginde oqýshylar da mýzeıdegi sapardyń ólke tarıhyn tanýǵa zor septigin tıgizetindigin alǵa tartady.

–Biz synyptastarymyzben birge mýzeıdiń arheologııalyq, etnografııalyq, jáne tarıhı zaldaryn aralaı júrip, aýdan tarıhyna qatysty mol málimettermen tanystyq. Ásirese Ejelgi Qulan qalashyǵynyń Jibek joly boıyndaǵy II-HII ǵasyrlarǵa jatatyn ózge han saraılaryynyń maketter, «Qulan tóbeden» tabylǵan turmystyq zattar men tas músinder erekshe áser etti. Al etnografııa zalynda Smaıl Yrǵalbekov aǵamyzdyń qolynan shyqqan áshekeılerdiń jasalý tásiline qyzyǵa qaradyq. Mýzeıge ár jyldary mektep oqýshylarynyń qolymen tapsyrylǵan jádigerlerdiń qoıylýy da bizge aýdan tarıhyna asqan yjdahattylyqpen qaraýdy úndegendeı boldy. Eń bastysy erte zamandar men ótken ǵasyrlarda ǵumyr keshken ata-babalarymyzdyń kúndelikti tutynǵan zattar sol dáýirlerdiń kýágeri bolyp bizdiń zamanymyzǵa jetken, –deıdi T.Rysqulov aýdanyndaǵy №2 shaǵyn ortalyqty orta mektebiniń oqýshysy Arýjan Baıǵutty.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir