Jambylda kásipkerlik kókjıegi keńeıýde

Memleket basshysy Qasym-Jomart Toqaev «Syndarly-qoǵamdyq dıalog – Qazaqstannyń turaqtylyǵy men órkendeýiniń kepili» atty halyqqa arnaǵan Joldaýynda «Shaǵyn, ásirese, mıkrobıznes elimizdiń áleýmettik-ekonomıkalyq jáne saıası ómirinde mańyzdy ról atqarady. Atap aıtqanda, eń aldymen aýyl turǵyndaryna turaqty jumys beredi, jumyssyzdyqty azaıtady. Sonymen qatar salyq bazasyn qurap, jergilikti bıýdjetti nyǵaıtady. Sondaı-aq jappaı kásipkerlikti damytý sanaǵa sińgen paternalıstik pıǵyl men masyldyqtan arylýǵa múmkindik beredi. Elimizde kásipkerlikti damytýdyń úlgi bolarlyq mysaldary jetkilikti. Biz shaǵyn kásipkerlikti búkil qoǵam bolyp qoldaýymyz kerek»,– dep atap kórsetken bolatyn.

Búginde Jambyl oblysynda óz isin ashyp, jeke kásipke bet burǵandardyń qatary kóbeıip keledi. Solardyń biri- Jambyl aýdany, Asa aýylynyń turǵyny Dınara Bıbazarova. Jeke kásipker osydan 3 jyl buryn «Jumyspen qamtý – 2020» memlekettik baǵdarlamasy aıasynda «Aýyl sharýashylyǵyn qoldaý qory» aksıonerlik qoǵamynyń oblystaǵy fılıaly arqyly 6 mıllıon teńge nesıege qol jetkizip, ol qarjyǵa 18 sıyr satyp alady. Osynaý qarjylaı qoldaýdyń nátıjesinde tirligin tiktep, sharýashylyǵyn durys jolǵa qoıdy.

– Nesıe alý úshin qaptaǵan qujat jınaýdan sharshaıtyn, ár mekemege bir sabylyp, orta jolǵa kelgende qolyn bir-aq siltep, alǵan baǵytynan keri sheginetin adam men emes. Sondyqtan ózime «О́z aldyńa bir isti bastaýǵa nazaryń aýdy ma, endeshe sol isti sońyna deıin jetkiz» degen bıik maqsat qoıdym. Mine, sonyń arqasynda qazir óz isimdi dóńgeletip otyrmyn. Osy rette memlekettiń kómegine, aýdandyq jumyspen qamtý ortalyǵynyń mamandaryna aıtar alǵysym sheksiz.

Jalpy mal sharýashylyǵymen aınalysatyn adam satylatyn maldyń baǵasyna emes, onyń deni saý bolýyna, barǵan jerin jersine alatyn artyqshylyǵyna qaraý kerek. Sharýashylyǵyń sút baǵytynda bolsa sútti, et baǵytynda bolsa etti mal alýǵa basymdyq berilýi qajet. О́ıtkeni men áıel adam bolǵandyqtan, istiń kózin tabý ońaı bolǵan joq. Kúıeýim men enem kúndiz jumysta bolǵandyqtan, mal-janǵa qaraý ózime júkteldi. Sıyrdy satyp alǵan jyly 5-eýi belgisiz jaǵdaıda ólip, aıtarlyqtaı shyǵynǵa battyq. Dese de qalǵanyn baǵyp-qaǵý, jem-shóp úshin tyǵyryqtan shyǵýdyń jolyn joldasym Narıman ekeýmiz birge qarastyrdyq. Shynyn aıtqanda, birazyn bordaqylap sattyq. O bastaǵy maqsatym, iri qaranyń basyn tóli esebinen kóbeıtý bolǵan edi. Alaıda múıizdi iri qaranyń keıbirin bordaqylap satyp, odan túsken qarjyny nesıeni jabýǵa, saýyn sıyrlardyń jem-shóbin alýǵa, satylǵan maldyń ornyn toltyrýǵa jumsaý arqyly tyǵyryqtan shyqtyq. Búginde sıyrlarymnyń esebi túgel. Kúnine eki mezgil 5-6 sıyr saýamyn. О́zim ashqan «Aıarý» jeke kásipkerligi qazir Asa aýylyna qarasty bala baqshalar men birqtar aýyl turǵyndaryn sıyr sútimen qamtamasyz etip otyrǵan jaıy bar, – deıdi Dınara Sheralyqyzy.

Jalpy, Jambyl jerinen mundaı mysaldardy kóptep keltire berýge bolady. Bul baǵyttaǵy jumystar Memleket basshysynyń Joldaýynda aıqyndalǵan mindetter aıasynda jandana túsetin bolady.