• USD 389.52
  • EUR 429.21
  • RUB 6.07
  • CNY 54.94
21 Qazan, 01:46:30
Nazarbaev: "Nur Otan" halyqty mazalaıtyn máselelerge aralaspaıdy

19 Qyrkúıek, 2019 NEWS

Kredıti keshirilmegender ne isteýi kerek?

Memleket nesıelik amnıstııa aksııasyn 2019 jylǵy 31 jeltoqsanǵa deıin sozdy

Qyrkúıektiń basynda bankter turǵyndardyń qaryzdyq júktemesin tómendetý týraly prezıdent jarlyǵyn júzege asyrýdy bastady. Oǵan 1 maýsymdaǵy jaǵdaı boıynsha jalpy qaryzy 3 mln teńgege deıingi 6 kategorııaǵa kiretin qazaqstandyqtar engen bolatyn. Biraq talaptarǵa saı kelse de kredıti keshirilmegen azamattar az emes. Sondyqtan úkimet tizimdi tolyqtyrý úshin aksııany jyl sońyna deıin sozdy, dep jazady Qamshy.kz aqparat agenttigi.
 
Eńbek jáne áleýmettik qorǵaý mınıstrligi Áleýmettik kómek saıasatyn damytý departamentiniń basqarma basshysy Aıajan Janǵabylova júıedegi qatelik ne sebepti ketkenin túsindirip, endi ne isteý qajettigin aıtty.

Mınıstrlik qaǵazbastylyqty azaıtyp, eldi dúrliktirmeý úshin kredıti keshiriletin azamattardyń tizimin aryzsyz tártip boıynsha jasaǵan. Alty kategorııaǵa kiretin azamattardyń barlyǵy júıede bolǵan. О́ıtkeni olardyń barlyǵy áleýmettik tólem alady.

Alaıda 2008 jylǵa deıin neke qurǵandar men balasy dúnıege kelgender arasynda arhıvtik derekteri sıfrlandyrylmaǵandar bar bolyp shyqty. Iаǵnı AHAJ (ZAGS) bazasynda bala ıa neke qatynasy týraly derek tabylmaǵan.

Nesıesi ótelmegen tulǵalar AHAJ organdaryna júginip, otbasy mártebesin retteýi tıis. Otbasy mártebesi týraly derekti elektrondyq-sıfrlyq qoltańba arqyly elektrondyq úkimet portalynan bilýge bolady. Nemese táýlik boıy isteıtin 111 nomerine qońyraý shalsa, operator otbasy statýsyn anyqtap, ary qaraı ne isteý kerektigin aıtyp  beredi.

Kredıti keshiriletin azamattar qataryna kelesideı áleýmettik statýsy bar azamattar kiredi:
 
- kópbalaly otbasylar (18 jasqa deıingi 4 nemese odan da kóp balasy bar otbasylar);

- asyraýshysynan aıyrylǵany úshin ótemaqy alatyndar;

- múgedek balalary bar otbasylar, bala kúnnen múgedektegi bar 18 jastan asqandar;

- memlekettik áleýmettik kómek alatyndar;

- jetim balalar;

- ata-ana qamqorlyǵynsyz qalǵan balalar, ata-anasynan kámeletke deıin aıyrylǵan 29 jasqa deıingi azamattar.

Joǵaryda atalǵan kategorııalarǵa kiretin erli-zaıyptylardyń ekeýiniń de boryshtyq júktemesi azaıtylady.

Eskerte ketelik, jalpy qaryzy 3 mln teńgeden asatyndardyń, qaryzdary kollektorlyq uıymdarǵa ótip ketken tulǵalardyń kredıti keshirilmeıdi. Sondaı-aq keshiriletin kredıt 2019 jylǵy 1 maýsymǵa deıin alynǵan bolýy tıis.

 

 

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir