Shamalǵandaǵy apattan zardap shekkenderdiń jaǵdaıy, oqys oqıǵa bolǵan Aqseńgir-Shamalǵan temirjol ótkelindegi avtokólik pen temir joldyń túıisken tusyna qajetti kópir týraly Almaty oblysy ákiminiń baspasóz hatshysy Ǵalymurat Júkel Qamshy.kz aqparat agenttigine jedel suqbat berdi.

– Apattan zardap shekkenderdiń qazirgi jaǵdaıy qalaı?

– Keshegi jol-kólik oqıǵasynan 3 adam zardap shekti. Olar Qarasaı aýdandyq ortalyq aýrýhanasynyń jan saqtaý bóliminde jatyr. Jaǵdaılary aýyr. Oqıǵaǵa baılanysty Almaty oblysynyń ákimi Amandyq Batalovtyń tapsyrmasymen oblystyq aýrýhananyń salalyq dárigerleri Qarasaı aýdanyna jóneltildi. Sonymen birge telemedısına arqyly respýblıkalyq medısınalyq ortalyqtarmen keńes júrgizilýde. Kesheden beri eki ret medısınalyq konsılıým ótip, emdeý taktıkasy pysyqtaldy.

– Shamalǵandaǵy apatqa memleket basshysynyń ózi jedel kóńil aýdardy. Al oblys ákimi Amandyq Batalovtyń áleýmettik paraqshalarynda únsizdik. Nelikten?

– Oqıǵaǵa baılanysty Amandyq Batalov oblystyq jedel shtabtyń jumysyn basqardy. Ol kisi áleýmettik jelidegi paraqshasyn ózi júrgizedi. Shtabtyń jumysyn basqarý jáne barlyq máselelerdi sheshý birshama ýaqytyn aldy. Sondyqtan, telefonmen jazba terýge ýaqyty bolmaǵany aıdan anyq. Buqaraǵa aqparatty óz kezegimizde biz – baspasóz qyzmeti berdik. Qazir áleýmettik jelide tekserilmegen aqparat tez taraıdy. Sony aldyn alý maqsatynda jarty saǵat saıyn aqparat taratyp, tikeleı efırde respýblıkalyq telearnalarǵa málimet usynyp otyrdyq. Bul jerde aıta ketý kerek. Birinshi kezekte poezd ben avtobýs soqytyǵysý saldary aýyr bolatyndyǵyn eskerilip, oqıǵa ornyna birden 11 jedel járdem brıgadasy jóneltildi. Osy ýaqytta biz oqıǵadan 2 adam mert bolyp, 9 adam jaraqattandy degen aldyn ala habar aldyq. Jáne sony áleýmettik jelige jáne BAQ arqyly tarattyq. Sebebi, bul kezde jelide 15 adam qaza tapty degen qaýeset taraı bastady. Jarty saǵattan keıin qaıtys boldy degen 2-shi azamat bólek jol-kólik oqıǵasy saldarynan kóz jumǵany anyqtaldy jáne jaraqat alǵan adamdardyń sany naqtylandy. Olar úsh adam 2014, 2016 jylǵy balalar jáne sol qyzdardyń anasy.

– Shamalǵan stansasyndaǵy kólik pen temir joldyń túıisken osy tusyna kópir qajet ekenin halyq kópten aıtyp kele jatqany belgili boldy. Bul jaıttan oblys basshylyǵy habardar ma edi? Kópir qashan salynady?

– Árıne. Shamalǵan ótkeli syndy oblysta 3 problemalyq másele bolǵan. Onyń bireýi oblystyq deńgeıde sheshildi. Qalǵan ekeýi respýblıkalyq mańyzy bar jol bolǵandyqtan salalyq mınıstrlikpen jumys jasalýda. Qazir jelide qaǵaz júzinde Baıserke jáne Shamalǵanda kópir tur degen qaýeset taraýda. Men buny resmı túrde joqqa shyǵaramyn.

– Apattan qaza tapqan júrgizýshiniń otbasyna, zardap shegýshilerge nendeı kómek kórsetiledi?

– Qazir sotqa deıingi tergeý amaldary júrgizilýde. Kóz jumǵan júrgizýshi búgin jer qoınaýyna beriledi. Bul iske jumys berýshi avtopark atsalysýda.

P.S. Indýstrııa jáne ınfraqurylymdyq damý mınıstri Roman Sklıar jaralanǵan jolaýshylarǵa qatysty tyń derekpen bólisti.

"Zardap shekken azamattardyń aty-jóni: Elvıra Ábdirqyzy Jánibekova, 1986 jyly týǵan. Onyń 2014 jáne 2016 jyly týǵan eki qyzy.  Elvıra Jánibekovanyń ózi  lokomotıv deposynyń qyzmetkeri. "Qazaqstan Temir joly" kompanııasy qajetti materıaldyq kómektiń bárin kórsetedi", – dedi Roman Sklıar.

Melis Seıdahmetov

Almaty oblysy Kerbulaq aýdany Qyzyljar aýylynda týǵan. Ál-Farabı atyndaǵy Qazaq ulttyq ýnıversıteti fılosofııa jáne saıasattaný fakýltetin bitirgen. 2015-2019 jyldary «Prezıdent jáne Halyq» gazetinde tilshi, shef-redaktor bolyp istegen. 2019 jyldan beri Qamshy portalynda qyzmet atqarady. Qamshy.kz saıtynyń bas redaktory.

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir