11 Qyrkúıek, 2019 Saıasat
Akter Nurlan Álimjanov Májilistiń jańa depýtaty retinde tirkeldi dep habarlaıdy Qamshy.kz aqparat agenttigi Tengrinews.kz saıtyna silteme jasap.
"Qazaqstan halqyna adal qyzmet etýge, Qazaqstan Respýblıkasynyń tutastyǵy men táýelsizdigin nyǵaıtýǵa, onyń Konstıtýsııasy men zańdaryna qatań baǵynýǵa, maǵan júktelgen joǵary mindetterdi adal oryndaýǵa ant etemin", - dedi Álimjanov ant berý rásiminde.
Májilis spıkeri Nurlan Nyǵmatýlın jańa depýtattyń tirkelgenin málimdedi. "Bizdiń qatarymyzdy taǵy bir depýtat tolyqtyrdy.
Ortalyq saılaý komıssııasynyń qaýlysymen Nur Otan partııasynyń múshesi Nurlan Álimjanov partııalyq tizim boıynsha Parlament Májilisiniń depýtaty bolyp tirkeldi", - dedi tómengi palata spıkeri. Álimjanovtyń aryzy boıynsha, depýtattar ony Májilistiń áleýmettik-mádenı damý komıtetiniń quramyna taǵaıyndady.
Qate tapsańyz, qajetti bólikti tańdap ctrl+enter basyńyz.
Pikir qaldyrý
pikir