• USD 378.65
  • EUR 430.07
  • RUB 6
  • CNY 55.1
23 Qyrkúıek, 16:02:56
Kekilbaevqa arnalǵan kesh

10 Qyrkúıek, 2019 NEWS

"Niet" telejobasynda kómek kórsetilgen 1 jasar sábı shetelde em alýǵa attandy

Búgin «Qazaqstan» Ulttyq telearnasynan «Niet» áleýmettik jobasynyń tusaýy kesildi. Jumys kúnderi 12:00-den bastap 2 saǵat boıy tikeleı efırde kórsetiletin jobada kómekke zárý jandardyń máselesi kóteriledi. Baǵdarlama ujymy ár keıipkerge psıhologııalyq kómekti aıtpaǵannyń ózinde, san-salaly máseleler boıynsha naqty qoldaýlar usynady dep jazady Qamshy.kz aqparat agenttigi. 

9 qyrkúıek kúngi baǵdarlamanyń alǵashqy shyǵarylymynda aýyr dertke shaldyqqan bir jasar Ámir Berǵannyń oqıǵasy kóterildi. «Niet» áleýmettik jobasynyń shyǵarmashylyq toby Ámirge kómek qajet ekenin aıtyp, qolushyn sozýǵa nıetti azamattarǵa qulaqqaǵys etken bolatyn. Sonyń nátıjesinde jomart jandardyń biri 1 mln. teńge aýdaryp, Ámir anasymen Túrkııa eline attandy. Tikeleı efır barysynda taǵy bir kórermen qońyraý shalyp, búldirshinniń emine qajetti qarjyny berýge daıyn ekenin jetkizdi.

Buǵan qosa, stýdııaǵa kelgen ózge de birneshe keıipkerdiń armany oryndaldy. Jobanyń 10 qyrkúıek kúngi shyǵarylymynda kópbalaly otbasyǵa páter kilti tabystalatyn bolady.

«Niet» jobasy muqtaj jandar men qoly ashyq qalyń buqaranyń arasynda kópir bolýdy maqsat etken. Muń-muqtajyn aıtyp kelgen jandarǵa ár habarda kómek kórsetý josparlanǵan. Buǵan tikeleı efırge habarlasý arqyly qolushyn sozýǵa nıetti ár adam atsalysa alady.

Kómekke zárý jandardyń ótinish-tilekteri +7 776 535 0751, +7 701 555 0751 nómirleri boıynsha kez kelgen ýaqytta qabyldanady. Habar barysynda saýal joldap, pikir bildirý úshin 8 (717) 2 75 71 71, +7 701 5550751 (Whatsap) baılanys telefondary jumys isteıdi.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir