Jambyldyq memqyzmetkerler "Uly dalanyń jeti qyry" maqalasyna negizdelgen semınarǵa qatysty

QR Prezıdenti janyndaǵy Memlekettik basqarý akademııasynyń Jambyl oblysy boıynsha fılıalynda Elbasynyń «Uly dalanyń jeti qyry» maqalasyna negizdelgen ǵylymı-ádistemelik semınar ótti.

Jambyl oblysynyń memlekettik bılik organdarynyń basshylary men qyzmetkerleriniń qatysýymen ótken semınar «Library-practicum» úlgisinde ótti. Is-shara Qazaqstan Respýblıkasynyń Tuńǵysh Prezıdenti – Elbasy kitaphanasynyń «N. Nazarbaev: dáýir, tulǵa, qoǵam» kóshpeli kórme jobasy aıasynda uıymdastyryldy. Atalǵan is-sharanyń maqsaty – semınar qatysýshylaryna jergilikti qaýymdastyqtardyń ózekti máselelerin sheshý úshin Elbasynyń «Uly dalanyń jeti qyry» maqalasynyń ıdeıalaryn qoldanýda praktıkalyq daǵdylardy meńgerýge kómektesý.

Ǵylymı-ádistemelik semınardy ashqan Qazaqstan Respýblıkasynyń Tuńǵysh Prezıdenti – Elbasy kitaphanasynyń dırektory, saıası ǵylymdardyń doktory, professor Ámirhan Rahymjanov bylaı dep atap ótti:

- Elbasynyń «Rýhanı jańǵyrý» jáne «Uly dalanyń jeti qyry» atty maqalalaryndaǵy baǵyttardy odan ári júzege asyrýdyń mańyzdylyǵy óte joǵary. Osyǵan baılanysty, búgingi ǵylymı-praktıkalyq semınar Elbasynyń «Uly dalanyń jeti qyry» maqalasy boıynsha «Library-practicum» formatynda ótkizilmek. Atalǵan semınar – memlekettik qyzmetkerlerdiń arasynda suranysqa ıe bolyp, qalyptasyp kele jatqan jańa joba. Sebebi, onyń mán-maǵynasy tikeleı óńirdiń damýyna qatysty.

QR Prezıdenti janyndaǵy Memlekettik basqarý akademııasynyń Jambyl oblysy boıynsha fılıalynyń dırektory Sabyr Túmenbaev óz sózinde Elbasy kitaphanasy jobasynyń el azamattarynyń ıgiligine qajet birqatar is-sharalardy ótkizip kele jatqanyn belgiledi. Elbasynyń «Uly dalanyń jeti qyry» maqalasynyń negizinde ótetin semınar arqyly jergilikti memlekettik qyzmetkerler daǵdylardy úırenýge múmkindik alady.

Elbasy kitaphanasynyń jetekshi ǵylymı qyzmetkeri, fılosofııa ǵylymdarynyń doktory, professor Ǵazız Telebaev Tuńǵysh Prezıdent maqalasynda baıandalǵan ıdeıalardy paıdalana otyryp, teorııalyq túrde qatysýshylar belgilegen máselelerge jaýap tabýǵa tyrysady, olardy sheshýdiń nusqalaryn usyndy.

– «Library-practicum» úlgisi kitaphana tájirıbelerimen bólisýge negizdeledi. Onyń aıasynda biz qatysýshylarǵa memlekettik qujattarmen jumys isteýdi, olardyń negizinde jergilikti oblystyń qandaı da bir máselelerin sheshý joldaryn úıretýdi kóBúgin biz memlekettik qyzmetkerlermen birge «Uly dalanyń jeti qyry» maqalasynda kóteriletin taqyryptardy talqylap, olardy jetik bilýdiń, tıimdi qoldanýdyń berer múmkindikterin ortaǵa saldyq. Tyńdaýshylar tarapynan jaqsy oılar men oryndy pikirler aıtyldy, – dedi Ǵazız Telebaev.

2017 jylǵy qarashadan bastaý alǵan kórme jobasymen Almaty, Shymkent qalalary men Túrkistan, Atyraý, Aqtóbe, Qyzylorda oblystarynyń 900 myńǵa jýyq turǵyny tanysyp úlgerdi.

Iri ǵylymı-bilim berý, mádenı-aǵartýshylyq is-sharalardan quralǵan joba shalǵaı aýdandarda arnaıy uıymdastyrylatyn kóshpeli ekskýrsııalardy da qamtıdy. Jobanyń basty marjany táýelsiz Qazaqstannyń qalyptasý tarıhyndaǵy Elbasynyń sheshýshi rólin júıeli baıandaıtyn qor kórmesi bolyp otyr. «N. Nazarbaev: dáýir, tulǵa, qoǵam» kórmesi Jambyl oblysynda 2019 jylǵy qazan aıynyń sońyna deıin jalǵasady.