• USD 389.52
  • EUR 429.21
  • RUB 6.07
  • CNY 54.94
21 Qazan, 01:54:48
Nazarbaev: "Nur Otan" halyqty mazalaıtyn máselelerge aralaspaıdy

22 Tamyz, 2019 Aımaqtar

Jambylda jol jóndelip, gaz tartylyp jatyr

О́ńirlerdi damytý memlekettik baǵdarmalasynyń sheńberinde birer jyldan beri Jambyl oblysynda josparly jumystar júıesin tabýda. Ásirese buqaranyń kógildin otynmen qamtý máselesi kezeń-kezeńimen sheshimin taýyp keledi. Qordaı aýdany da gaz qubyrlaryn júrgizý jumystary boıynsha kóshten bir eli qalyp jatqan joq dep jazady Qamshy.kz aqparat agenttigi. 

Qordaı aýdanyndaǵy eldi mekenderdi gazdandyrý máselesin kezeń-kezeńmen sheshý josparlanyp, búginde I kezeń boıynsha Otar aýmaǵyndaǵy eldi mekenderdi gazdandyrý úshin jobalyq-smetalyq qujattamasyn ázirleýge aýdandyq bıýdjetten 28,5 mıllıon teńge bólindi.

Al, II kezeń boıynsha 5 eldi mekendi (Noǵaıbaı, Sharbaqty, Sarybastaý, Qarasý, О́tegen) gazdandyrý úshin jobalyq-smetalyq qujattamasy aıaqtalyp, qurylys jumystaryn bastaý úshin oblystyq bıýdjetke ótinim berilgen. Bul jerde eskere ketetin bir mesele, aýyldarǵa gaz qubyry kirgennen keıin jobalyq smetalyq qujttamaǵa sáıkes aýyl turǵyndarynyń úıine gaz qubyryn tartý úshin 350 myń teńge emes, 150 myń teńge tóleýge múmkinshilik alady.

Aýdandaǵy 4 orta mekteptiń (№23 Áljan ana, №24 Stepnoı, Jambyl №26 I-II korpýstaryn) jáne bir balabaqshasynyń qazandyqtaryn qatty otynnan gazǵa aýystyrý maqsatynda oblystyq ekonomıka jáne bıýdjettik josparlaý basqarmasyna bıýdjettik ótinim tapsyryldy.

Sondaı-aq aýdanda jol qurylysy da qarqyn alyp, jaqsy jáne qanaǵattanarlyq jaǵdaıdaǵy aýdandyq mańyzy bar avtojoldardyń úlesi 75,1 paıyzdy qurap otyr. Jospar 79,4 paıyz.

Aǵymdaǵy jyly aýdandyq mańyzy bar joldarǵa 16,9 shaqyrym ortasha jóndeý jumystary júrgizilýde. Onyń ishinde respýblıkalyq, oblystyq bıýdjetterden «О́tegen-Báıterek -Aýqatty– 8 shq» jolyna 199,7 mln. teńge, «Noǵaıbaı-Sarybastaý-1-3,5 shaqyrym» jolyna 61,3 mln. teńge, «Betkaınar-Soǵandy» avtojolyna 65,7 mln. teńge jáne respýblıkalyq bıýdjetten Sortóbe-Aýqatty-Qyzylsaı 0-13,8 shaqyrym jolyna 50,0 mln. teńge bólindi. Sonymen qatar, respýblıkaldyq bıýdjetten «Aýqatty-Baıterek» 7,4 shaqyrym avtojolynyń qurylysyna 243,8 mln. teńge jáne oblystyq bıýdjetten 27,1 mln.teńge qarastyrylǵan.

Qordaı aýylyndaǵy Bolashaq yqsham aýdanyna kiretin Tóle bı kóshesi boıyndaǵy kópirdi salý jumystaryna 80,6 mln. teńge bólinip, qazirgi tańda Jambyl oblysy energetıka jáne turǵyn úı basqarmasy tarapynan konkýrs jarııalandy.

Aýdan eldi mekenderinde avtobýstyq aıaldamalardy ornalastyrý baǵdarlamasy boıynsha aýdandaǵy Kenen, Alǵa, Kóǵadyr, Qyzylsaı, Kúnbatys-1, Kúnbatys-2, Beriktas aýyldarynyń kireberisterinde aıaldamalardy ornatý úshin aýdandyq bıýdjetten 6,5 mln. teńge bólinip, jumystar qolǵa alynýda.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir