• USD 378.65
  • EUR 430.07
  • RUB 6
  • CNY 55.1
17 Qyrkúıek, 09:09:33
Qazaqstanda másele sheshilý úshin aldymen adam ólýi kerek

21 Tamyz, 2019 Aımaqtar

Jambylda halyqaralyq jastar kúni toılandy

Jambyl oblysy Turar Rysqulov aýdandyq jastar resýrstyq ortalyǵynyń mamandary Halyqaralyq jastar kúnine jáne «Jastar jylyna» oraı, aýdan ortalyǵynda «Qulan jastar fest» sharasyn ótkizdi.

Jastar - qaı zamanda, qaı elde bolmasyn asqaq arman men úmit, bıik ar men ór namystyń sımvoly. Olar qaı kezde de, qaı qoǵamda da belsendi býyn ókilderi. Elimizdegi jas býyn ókilderi memleketimizdiń jańa kelbetin qalyptastyrady. Olardyń jańa belesterge degen umtylysy jańa ıdeıalardyń týyndaýyna sebepshi bolady. Tek bizde ǵana emes, álem jurtshylyǵy jastardyń alyp kúsh ıesi ekendigin moıyndap, olarmen sanasady. Sondyqtan bir jyldyń aıtýly bir kúnin arnaıy jastar merekesi etip, kúntizbede belgilegen. Iаǵnı, 12 tamyz - Halyqaralyq jastar kúni retinde atalyp ótiledi.

Osy maqsatta jýyrda Jambyl oblysy Turar Rysqulov aýdandyq jastar resýrstyq ortalyǵynyń mamandary Halyqaralyq jastar kúnine jáne «Jastar jylyna» oraı, aýdan ortalyǵynda «Qulan jastar fest» sharasyn ótkizdi.

Aýdan ortalyǵyndaǵy aýqymdy shara ulttyq oıyndardy ulyqtaýdan bastaldy. Aýdan turǵyndary jas aıyrmashylyǵyna qaraı topqa bólinip, asyq atýdan synǵa tústi. Nátıjesinde kil myqtylar anyqtalyp, arnaıy syılyqtarmen marapattaldy. Ulttyq oıyndardan keıin, keshtiń saltanantty kezeńi bastaý alyp, ony oblysqa belgili shoýmen – Ádilet Sanatuly júrgizip otyrdy.

Shara barysynda aýdan ákimi Erbolat Sadyrqulov sóz sóılep, búgingi jastarǵa úlken senim artylyp otyrǵanyn jetkizdi.

– Jastar — qaı kezde de, qaı qoǵamda da belsendi býyn ókilderi bolyp sanalady. О́ıt¬keni, olar memleketimizdiń jańa kelbetin qalyptastyratyn azamattar. Olar qaı elde bolmasyn asqaq arman men úmittiń, bıik ar men ór namystyń sımvoly. Tek bizde ǵana emes, álem jurtshylyǵy jastardyń alyp kúsh ıesi ekendigin moıyndap, olarmen sanasady. Sondyqtan bir jyldyń aıtýly bir kúnin arnaıy jastar merekesi etip, kúntizbede belgilegen. Búgin — Halyqaralyq jastar kúni. Osy aıtýly merekeni paıdalana otyryp, Jastar resýrstyq ortalyǵynyń basshysy Aıbek Sársenhanulyna jeke ǵımarattyń kiltin tabystaýǵa ruqsat etińizder, — dep, talaı jyldar boıy sheshilmeı kele jatqan jastar máselesiniń birine núkte qoıdy.

Qulan jastaryna arnalǵan keremet keshte án óneriniń juldyzdary Dýman Jan men «Ádemi-aı» dýeti óz ónerlerin kórsetip, jıylǵan jurtqa áýezdi áýenderin arnady. Sonymen qatar, turǵyndar aýdan maqtanyshtaryna aınalǵan «Ádemi-aý» halyqtyq án-bı ansambliniń de ónerin tamashalaı aldy. Aıta ketý kerek, kesh barysynda jergilikti ónerpazdar da sahna tórinde óner kórsetip, jastarǵa kóterińki kóńil-kúı syılady.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir