Marzııa Bekaıdar: О́mirimizdi ózgertýge ne kedergi?

Dál qazirgi sátte kimderge renjýlisiz? Olardy keshirý týraly sál de bolsa oılanyp kórdińiz be? Iá, túk bolmaǵandaı keshire salý ońaı emes. Alaıda belgili psıholog Marzııa Bekaıdar: «ókpeletken adamdardy keshirip úırenińiz», degen keńes beredi. Ne sebepti? Onyń qanshalyqty mańyzdylyǵy bar?

О́ıtkeni...

Adamnyń boıyndaǵy kúdik pen úreı, ómirge degen kóńil tolmaýshylyq kóńilde jatqan ókpe-renishten bolatynyn kópshiligimiz bile bermeımiz. Álem maǵan ádiletsiz, men jaqsy adammyn, nege maǵan barlyǵy qarsy shyǵady dep jıi ókpelep jatatynymyz shyndyq. Bile bilseńiz, munyń barlyǵynyń óz sebebi bar.

 

Onyń eń basty sebebiniń biri týǵan-týysqa degen renish. Ondaı renishtiń salmaǵy aýyr ekenin, átteń bile bermeımiz! Bizdiń ómirimizge qanshalyqty keri áserin tıgizetinin baǵamdap jatpaımyz. Mysaly, ápkemizdi, aǵamyzdy, alys-jaqyn týysymyzdy, baýyrymyzdy, ata-anamyz, naǵashymyzdy, jıenimiz, bólemiz bolsyn, áıteýir týystyq qatynasymyz bar adammen múldem qarym-qatynasymyzdy úzip, júıemizden syzyp tastaýymyz múmkin.

Júıemizden syzyp tastaý degenimiz ne? Syzyp tastaý arqyly siz múldem aralaspaı ketesiz, ne bolmasa ony baıqamaǵandaı ómir súre beresiz. Mine, osy faktordyń barlyǵy sizdiń aldaǵy ómirińizge keri áserin tıgizedi. Siz meıli oǵan mán bermeńiz, alaıda sol renish aldyńyzdan shyǵa beretin bolady.

Keshirimdi bolyńyz

Eger sizdiń ómirińizde solaı renjip júrgen adamyńyz bolsa, keshirýge tyrysyńyz. Iá, bastapqyda ońaı bolady dep aıta almaımyn. Múmkin, ol sizge aýyr sóz aıtqan bolar. Aýyr sóz aıtqan adamdy, qııanat jasaǵan adamdy keshire salý kimge bolsa da ońaı emes ekendigi anyq. Sonda da bar kúshińizdi boıyńyzǵa jınap, alǵashqy qadam jasaýǵa daıyn bolyńyz. Múmkin ol adammen burynǵydaı aralasyp ketpeseńiz de, ishińizden «men seni keshirdim, saǵan degen eshqandaı renishim joq», dep ózińizdi sendirińiz. Sodan keıin boıyńyzda jeńildep, júregińiz aýyr júkten arylǵandaı bolady.

Esińizde bolsyn, eshkimge qasaryspańyz, siz bireýge qasaryssańyz, ómir sizge qındyǵyn úıip-tógip beredi. Keshirińiz, túsinińiz. Bul tek týystarǵa ǵana qatysty emes, ózińiz renjigen barsha adamdy keshirip, júregińizdi túkke turmaıtyn aýyrlyqtan bosatyńyz.

Sizge bir qupııanyń syryn ashaıyn

Siz bireýge renjiseńiz nemese renjitseńiz ómirlik energııańyzdan arylasyz. Sol sııaqty ata-anaǵa degen renish bizdiń ómirimizdi múldem qıyndatatynyn bilesiz be?

Ata-anany ómirimizden syzyp tastaý degenimiz, ómirge erkin samǵaıtyn qanatymyzdan aıyrylǵanmen teń. Olarǵa únemi min taǵyp, bosqa qaralaı berýge bolmaıdy. О́ıtkeni bizdiń ómirge qajetti energııamyz ben ómirlik qaınar kózimiz sol ata-anamyzdyń boıynda. О́ıtkeni olar bizdiń ómirimizdegi eń mańyzdy adamdar. Quranda anamyz jaıly úsh ret aıtylady, ákemiz jaıynda bir ret aıtylady. Qandaı jaǵdaı bolmasyn, olardy renjitýge, olarǵa renjýge quqyǵymyz joq.

Jasyryn emes, meniń ózim anama 8 jyl renjip júrdim. Alaıda óz-ózimmen jumys istep, anamnan keshirim surap, ara-qatynasymyz jaqsara túsken ýaqytta kúıeýimniń jumysy júrip, kásibi damı bastady. Meniń anama degen renishimniń kúıeýime qandaı qatysy bar dep, ózim tań qaldym. Biraq jaýaby anyq edi. Meniń ómirlik kúshimniń qaınar-kózi anamda jatyr. Al kúıeýim energııany álbette menen alady.

Kimde-kim týystyq qatynasty úzse, odan Alla da qol úzedi

Renishtiń bizge qalaı áser etetinin aıttyq. Ol bizdiń jolymyzdy baılaıdy. О́zińiz úshin keshirýdi úırenińiz. О́sek, renish, ashýdan aıyrylsaq, biraz "energııamyz" ózimizde qalady. Maǵan "ata-anama renjidim, olar meni túsinbeıdi" dep muńyn shaǵyp keletin qyzdardy kórgende ishteı muńaıamyn. Biraq alǵashqy qadam jasaý olar úshin óte aýyr. Olar bolǵan jaıtty qabyldaı almaı jatady. Qabyldaý álbette qıyn. Men ony túsinemin. Júrekti ashý da — Alladan.

Kimde-kim týystyq qatynasty úzse, odan Alla da qol úzedi. Bizdiń quzyretimizde tek qana 3 kún renjýge ǵana quqyǵymyz bar. Ary qaraı bolǵan jaıtty oı tarazysynan ótkizip, túsinýge tyrysyńyz. Renishpen jumys júrgize bilý kerek. Sóz júzinde keshirdim deseńiz de, júregińiz qabyldamaıtyn sátter bolady. Ondaı kezderde ár túrli tásilderdi paıdalanýǵa bolady. Mysaly hat jazyńyz, 70 ret «men seni keshirdim» dep jazyp kórińiz, psıhologpen jumys isteńiz.

P.S. Týystardan bólek ómirińizdegi kezdesken adamdarǵa da renjýge bolmaıdy! Dál qazir kimge renjýlisiz? Qolyńyzǵa uıaly telefonyńyzdy alyńyz, ne bolmasa úıine arnaıy baryp keshirim surańyz. Siz odan utylmaısyz, úlken basyńyz kishireımeıdi. Kerisinshe janyńyz jadyrap, ishki dúnıeńiz jeńildeıdi, aýyrlyqtan bosaısyz. Bul 100 paıyz dáleldengen. Senińiz... Keshirimdi bolýǵa nıet etińiz. Nátıjesin kórgende, osy aıtqandarymnyń rastyǵyna kóz jetkizesiz.

Daıyndaǵan: Marjan Sábet

Oqı otyryńyz:

♦Marzııa Bekaıdar: О́mirde óz jolyńdy tabý úshin ne isteý kerek?

♦ Marzııa Bekaıdar: Qyzdar turmysqa shyǵarda neden qatelesedi?

♦ 3 psıhologııalyq ról: Áıeldi qaısysy baqytty etedi?

♦ Marzııa Bekaıdar: 14 jasymnan áıel baqytynyń kiltin izdedim