• USD 468.56

  • EUR 497.56

  • RUB 7.3

  • CNY 67.18

28 Naýryz, 21:26:56
Almaty
+35°

17 Maýsym, 2019 Psıhologııa

Marzııa Bekaıdar: Qyzdar turmysqa shyǵarda neden qatelesedi?

Qyz balanyń basty armany - teńin taýyp, jar atanyp, bala súıý.

Bireýler bul baqytqa erte jetip jatsa, bireýler teńin kesh tabady. Degenmen "baqytqa jetýdiń erte-keshi joq", - deıdi belgili psıholog Marzııa Bekaıdar. Qamshy.kz aqparat agenttigi osyǵan deıin psıholog Marzııa Bekaıdardyń otbasy taqyrybynda qyz-kelinshekterge bergen keńesin jarııalaǵan edi. Búgingi taqyryp qyzdardyń turmysqa shyǵý máselesine arnalady.

Júregińizde renish bolsa, er azamatqa tartymdy emessiz

Ár adamnyń boıynda ishki túısigi, ishki túsinigi bar. Keıde qyzdar otyryp alyp, "Men ne úshin osy ýaqytqa deıin turmysqa shyqqan joqpyn?" dep ózderine suraq qoıa bastaıdy. Men bul jaǵdaıdy uzaq ýaqyt baqyladym, jáne onyń sebebin de anyqtadym. Kóp jaǵdaıda, ásirese, qyz balalar ishteı ata-anaǵa kóp ókpelegish keledi. О́zi mán bermese de ákesine ne bolmasa anasyna degen renishin jyldar boıy júreginde saqtap keledi. Esterińizde bolsyn, ishki jan dúnıeńizde qandaı da bir kelispeýshilik, renish bolsa er adam úshin tartymdy bolmaısyz. Biz kóp jaǵdaıda óz-ózimizge osylaısha qastandyq jasaımyz. Renish tek ózimizge ǵana zııan tıgizerin ańǵarmaımyz. Júregińizde aýyr júkti arqalap júre bermeńiz.

Men jaı ǵana qarapaıym mysal keltirgim keledi. О́mirge degen kózqarasy eki túrli eki qyzdy alyp qaraıyq. Ekeýi úılerine jetý úshin birdeı jolmen júredi. Biraq ekeýiniń beıimdelýi eki bólek. Bireýi óte renjigish, ol joldyń tek aýyrlyǵyn kóredi, shalynyp-súrine beredi, ashýlanyp júredi, júreginde aýyrlyq bolǵan soń sharshaǵysh keledi. Ol óz jolyn ózi tańdap alǵan. Ekinshi qyz da dál sol jolmen júredi, biraq ol joldaǵy gúlderge tamsanady, meıirlene ıiskeıdi, árbir araıly kúnge shattana qaraıdy. Osy qarapaıym mysaldy turmysqa shyǵý joly dep alsaq, ekeýi de dittegen jerine jetedi. Biraq ata-anasyna, ómirge degen renishi kóp qyz kelin bolyp túsken shańyraǵyna da sony ala barady. Al kerisinshe ómirge qulshynysy bar, ár kúnge rızashylyqpen qaraıtyn qyz barǵan shańyraǵyn da shattyqqa bóleıdi.

Turmys qurý

Qazir ne sebepti ajyrasyp ketetinder kóp?

О́ıtkeni, qyz bala turmysqa shyqqan kezde júregindegi renishpen turmysqa shyqty. Alaıda, turmysqa shyqqan kezde sol adamdy baqytty etemin dep shyǵýyńyz kerek. Qazir kóptegen qyzdar bireýge birnárse dáleldegisi keledi. Qurbysyna mine men qandaı jigitke shyqtym dep maqtanǵysy keledi, týystaryna dáleldegisi keledi. Men keremet jigitke turmysqa shyǵyp, bárińe dáleldep shyǵamyn dep sert etedi.  Esińizde bolsyn, bul qate túsinik. Sizde sondaı oı boldy ma, turmysqa shyqqan kezde Alla bereke bermeıdi. О́ıtkeni sen basqa oımen turmysqa shyqtyń. Alla saǵan nege bereke berýi kerek? Biz nege talpynsaq, Alla sony násip etedi. Eger biz turmysqa shyǵyp, osy adamdy baqytty etemin desek, Jaratqannyń sózsiz syıy bar.

Eger turmysqa shyǵý siz úshin qandaı da bir kúrmeýi qıyn máseleni sheshýdiń amaly ǵana bolsa, onda er men áıeldiń arasynda shynaıy qarym-qatynas qurylmaıdy. Qazirgi qyzdardyń basty qateligi, olar tek ózderiniń ishki máselesin sheshý úshin turmysqa shyǵady.

Qyzdardyń qatelesetin tusy - men turmysqa shyqsam eń baqytty qalyńdyq bolamyn deıdi. Turmysqa shyǵady, biraq ózin baqytty sezinbeıdi. Meıli, bala týǵan soń barlyǵy ońalady ǵoı deıdi, báribir kútkenindeı bolmaıdy. Sosyn ol oılana bastaıdy, men tek baqytty bolýdy qaladym, biraq ol qolymnan keler emes. Men qaı jerden qatelestim dep ózin jegideı jeıdi. Meniń aıtarym, armandadyńyz ba, armanyńyzdy oryndalýǵa jiberińiz. Ol týraly kúndiz-túni oılap, ózińizdi qınaı bermeńiz. Tek barlyǵy jaqsy bolaryna senińiz. 

Úılený

Turmysymyz týralanyp, baqytymyz eselensin desek..

Qyz bala turmysqa shyqqan kezde er-azamatymdy baqytty etemin degen tilek bolý kerek. Alla talpynysymyz ben nıetimizge qaraı beretinin umytpaıyq. Eger biz súıiktimizdi baqytty etýge talpynsaq, onda turmysymyz týralanyp, baqytymyz eselenedi. Men turmysqa shyqsam boldy, meni syılaıtyn bolady degen jalǵan túsinik. Eger biz ishki sezimimizdi basý úshin turmys qursaq onyń artynda qıyndyq turady.

Turmysqa shyǵýda eń bastysy nıetińiz túzý bolý kerek. Alla Haýa anany jaratqan kezde Adam ata suraǵan eken: «Ol maǵan ne úshin kerek?» dep. Sol kezde Alla: «Seniń jan tynyshtyǵyń úshin», - degen eken. Áıel adamnyń otbasyndaǵy basty róli – ózin dáleldep, myqtylyǵyn kórsetý emes, kúıeýine jan tynyshtyǵyn syılaý.

Qyz-kelinshekterdiń taǵy bir kemshiligi birsaryndy ómir súrýi. Eshteńege qyzyqpaıtyn, tek úı men jumystyń ortasynda júretin bolsa, oǵan er-azamat qyzyqpaıdy. Qoǵamdyq jumystarǵa belsendi aralasyp, árdaıym el nazarynda jarqyrap, óziniń súıikti isimen aınalysatyn qyzdarǵa sóz salatyn jigitter de kóp bolady. Al solardyń ishinen óz tenińdi tabý ózińe baılanysty. Men bolashaq jaryń mynadaı bolý kerek dep aıta almaımyn. О́ıtkeni ár qyzdyń talǵamy ártúrli. Biraq osy adam meniń bolashaq kúıeýim bolady dep tańdadyń ba, onyń kemshilkterin de qabyldaı bil.

Qarym-qatynas qurý kezde kedergi bolatyn dúnıeniń biri – tákapparlyq ekenin esten shyǵarmańyz. О́zgelerden jıi min izdeýdi doǵarý kerek. Sen bireýdi shyn súıseń, onyń kemshilikterin de qabyldaı bil dep aıttym. Biraq kemshilikterge kóne berme, tek sol kemshilikterden jaqsylyq izde. Turmysqa óz erkińmen shyqqan sátten bastap, sen onyń barlyq kemshilikterine kelisim bergen bolyp eseptelesiń. Kóptegen qyz-kelinshekter turmysqa shyǵa salyp, kúıeýin ózgertýge talpynady. Joq, eń aldymen sen ózińdi ózgert, sodan keıin er-azamat ózi ózgeredi. О́mirde júz paıyz minsiz qarym-qatynas bolmaıdy. Tek erli-zaıyptylar ózara túsinisip, birin-biri syılaý arqyly ǵana otbasy baqytyn saqtaı alady. Ol eń aldymen áıeldiń aqylyna baılanysty. Turmysqa shyǵyp, baqytty bolýdyń kilti de osynda jatyr.

Oqı otyryńyz: 

♦Marzııa Bekaıdar: 14 jasymnan áıel baqytynyń kiltin izdedim

♦ 3 psıhologııalyq ról: Áıeldi qaısysy baqytty etedi?

Marzhan Sabet

Avtormen onyń Facebook paraqshasy arqyly habarlasýǵa bolady.

Jazylyńyz

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Pikir qaldyrý

pikir