Sırııadan oralǵan áıelder azapty kúnder týraly: "Qoı terisin jamylǵan qasqyrlar ekenin kesh túsindik"

Sırııadan oralǵan bir top kelinshek Eýrazııa arnasyna eksklıýzıvti suhbat berip, basynan ótken sumdyq oqıǵalar jaıly aıtyp berdi dep habarlaıdy Qamshy.kz aqparat agenttigi. 

О́zge elden baqyt izdep, ońbaı qatelesken otandastyrymyzdyń ózegin endi ókinish órtep otyr.

"Qatty qatelskenimizdi bildik. Biraq, kesh..." 

О́zegin ókinish kernep otyrǵan kelinshektiń biri 2015 jyly kúıeýine erip, bes balasymen birge Sırııaǵa ketip qalǵan eken. Sol kezde joldasy Qazyǵurt aýdanyndaǵy mekteptiń birinde muǵalim bolyp jumys istepti. Ot pen oqtyń ortasyna «baqyt» izdep barǵany sol-aq eken, kúıeýi men úlken ulynan aıyrylǵan. "Odan keıingi ómirim tozaqqa aınalyp shyǵa keldi" deıdi ol. 

"Kúıeýim turǵan úıge bomba túsip, sonyń astynda qalyp ketken. Al, úlken uldy atqan. Sol jerde qaıtys bolǵan. Sýreti men vıdeosyn kórsetti bizge, qalaı qaıtys bolǵanyn," - deıdi Aıgúl esimdi Sırııadan oralǵan kelinshek. 

Dúısenkúl Sırııada 6 jyldaı turǵan. Jumaqty ańsaımyn dep tozaqtan bir-aq shyqqanyn ol keıin uǵypty. Biraq, bári tym kesh boldy deıdi. Kezekti urys kezinde Qudaı qosqan qosaǵynan aıyrylyp, izinshe, taǵy bir er adamǵa turmysqa shyqqan, ol da kóp uzamaı mert bolypty. 

"Eki aıaǵynan atqan snaıper. Baýyrdan, búırekten atqan. Ony basqa da qazaq baýyrlar qutqarmaq bolǵanda: " Kelme! Qazir kelseńder sender de ólesińder, ketińder!" dep aıqaılapty. Sony kórgender keıinnen aıtypty. О́zi eńbektep kelip, bir úıdiń ishinde jan tapsyrypty," - deıdi Dúısenkúl. 

Áýeden úzdiksiz atqylaǵan snarıadtar bala túgili eresekterdiń de júregin shaılyqtyryp qoıǵan deıdi keıipkerler. Jarylys kezinde bas saýǵalap, qashpaǵan jerleri qalmaǵan. Kúndelikti as-aýqatty taýyp ishý bylaı tursyn, erteńgi kúnderiniń qalaı bolatynyn kóz aldaryna elestete almapty. Soǵystyń zardabyn ábden tartqan olar "endi ol jaqqa attap baspaımyz" dep otyr. 

"Endi barmaımyn ol jaqqa. Endi túsindim. Qoı terisin jamylyp alǵan qasqyrlar ol jaqta. Keıinnen túsine bastadyq, onyń oıyn ekenin," - dep ókinishin bildirdi Dúısenkúl. 

Sham elinen kelgen otandastarymyzdyń birsypyrasy osy kúni arnaıy beıimdeý ortalyqtarynda jatyr. 

Aqjarqyn, Sırııadan oralǵan kelinshek: "Basynda solaı oıladym, meniń kúıeýim musylmandarǵa kómekke baramyz dep aıtty ǵoı". 

Laýra, Sırııadan oralǵan kelinshek: "Men tek kúıeýime ıtaǵat etip, sonyń sońynan erip bardym. Ádiletsizdikter kóp boldy, sońǵy kezderi".

Aqjarqyn, Sırııadan oralǵan kelinshek: "Bet-perdeleri sheshilgen ýaqytta bizge túsinikti boldy, kim-kimder ekeni. Sol ýaqytta ókinish boldy".

"Jýsan" gýmanıtarlyq operasııasy barysynda elge oralǵan túrkistandyq 27 azamatsha men 18 balanyń jaǵdaıymen psıhologtar men teologtar aınalysyp jatyr. Mamandar olardy qaıta beıimdeý biraz ýaqytqa sozylýy múmkin deıdi.

"Olardyń dinı fýndamenti, dinı kózqarasy namazǵa oqymaǵan adam kúpirlikpen aıyptaý, onyń dúnıe-múlkin tartyp alýdy halal sanaıtyn ıdeologııany qalyptastyrǵan. Bul - sharıǵı dinde tákfırlik ıdeologııa dep atalady. Olardyń da oqyǵan kitiptary osy. Bastapqyda úsh negizde oqyǵan. Mindeti, birinshi fýndametindi osy úsh negizdi kitapty oqýmen bastalǵan," - deıdi Túrkistan oblystyq Din isteri basqarmasynyń bólim basshysy Marat Mustafaev.

Jalpy, «Jýsan» operasııasynyń úsh kezeńinde Sırııadan 524 otandasymyz elge jetkizildi. Onyń 30-y - er adam, 137-si - áıel, 357-si - kámeletke tolmaǵan balalar. Teńdessiz sharany elimizdiń Ulttyq qaýipsizdik komıteti men memlekettik organdary halyqaralyq áriptesterimen birlesip júzege asyrdy.