Atyraý oblysynyń polıseıleri kásibı merekelerin atap ótti

23 maýsym kúni qazaqstandyq polıseıler óz kəsibı merekelerin atap ótedi. Atyraý oblysynyń ákimi men polısııa departamentiniń basshysy oblysymyzdyń polıseılerin merekelerimen quttyqtady.
2007 jyly Memleket basshysynyń jarlyǵymen 23 maýsym kúni polısııa kúni dep resmı túrde bekitildi.
Oblys ákimi Nurlan Noǵaev polısııa departamentiniń qyzmetkerlerin merekemen quttyqtap, atqaryp jatyrǵan jumystaryna rızashylyǵyn bildirdi. Polısııa salasynda qyzmet etý óte qaýipti jáne qıyn. Biraq barlyq aýyrtpalyqtarǵa qaramastan, tártip saqshylary qoǵamdaǵy zańdylyqty saqtaý úshin qyzmet etýde.
-Qoǵamdyq tártip pen azamattardyń qaýipsizdigin qamtamasyz etý úshin sizderge úlken jaýapkershilik júkteledi. Sizderdi adal qyzmetterińiz ben tańdaǵan mamandyǵyńyzǵa adaldyq tanytqandaryńyz úshin shyn júrekten alǵysymdy bildiremin.
Ishki ister organdarynda eńbek etken ardagerlerge alǵys aıtamyz. Ardagerler búgin de izbasarlary - jas urpaqqa úlgi bola alady. Bul kisiler óz isterin joǵary deńgeıde atqarǵan naǵyz mamandar,- dedi Nurlan Noǵaev.
Oblys basshysy polısııanyń áleýeti óte joǵary ekendigin, oblystyq bıliktiń kómegimen materıaldyq-tehnıkalyq bazanyń deńgeıi edáýir kóterilgenin atap ótti. Quqyq qorǵaý organdardyń qyzmetkerlerin turǵyn úımen qamtamasyz etý məseleleri de sheshilýde.
- Qoǵam men memlekettiń múddesin qorǵaý bizdiń quqyq qorǵaý organdarynyń mindetteriniń biri. Memleket osy mindetterdi júzege asyrý úshin barlyq jaǵdaılardy jasaýda. Jol qaýipsizdigin saqtaý úshin, qadaǵalaý kameralaryn ornatýǵa jetkilikti túrde qarajattar bólinýde. Zańsyz balyq ónimderin satýmen aınalasatyndarmen kúres júrgizildi. Aldaǵy ýaqytta da bizdiń polısııamyzdyń abyroıy joǵary deńgeıde bolatynyna senimdimin. Keıde mindetin atqarý úshin polısııa qyzmetkerleri basyn qaterge tigedi. О́z ómiri men densaýlyǵyna qaýip tónsede, polısııa halyqtyń densaýlyǵy men ómiriniń tynyshtyǵy úshin jumys jasaıdy. Bizdiń oblysymyzda buǵan dəlelder kóp,- dedi Nurlan Noǵaev.
Oblystyq polısııa departamentiniń basshysy Hamza Úmbetqalıev áriptesteri men qyzmetkerlerdi merekemen quttyqtaı otyryp, polısııa qyzmetkerleriniń óz mindetterin aldaǵy ýaqytta da abyroımen atqara beretinine senim bildirdi.
Merekege oraı, Qazaqstan Respýblıkasy Ishki ister mınıstriniń buıryǵymen polısııa qyzmetkerlerine áskerı shender berildi. Birqatar qyzmetkerler adal qyzmeti úshin maqtaý qaǵazdarymen jáne alǵys hattarmen marapattaldy.