21 Maýsym, 2019 Sport

Golovkın men Alvarestiń úshinshi jekpe-jegi qashan bolady?

Qazaqstandyq Gennadıı Golovkın men orta salmaqta álem chempıony Saýl Alvarestiń komandalary úshinshi jekpe-jek boıynsha kelissózdi bastady.

Qazirgi tańda eki tarap bir sheshimge kele almaı jatyr. Bul týraly Sport Illustrated tilshisi ári DAZN strımıng servısiniń júrgizýshisi Krıs Mennıks aıtty dep habarlaıdy Qamshy.kz aqparat agenttigi Vesti.kz saıtyna silteme jasap.

Komandalar úshinshi jekpe-jektiń ótetin ornyn sheshe almaı otyr. Golovkın Nıý-Iorkte nemese Tehas shtatynda judyryqtasýdy qalasa, Alvares trılogııany Las-Vegasta aıaqtaýdy jón kóredi. Qazaqstandyq boksshynyń Las-Vegasta ótken alǵashqy eki jekpe-jektegi tóreshilerdiń qazylyǵyna kóńili tolmaǵan - eki kezdesýde oǵan alty tóreshiniń bireýi ǵana jeńis bergen edi. 

Golden Boy promoýterlik kompanııasy Golovkınniń komandasymen trılogııa ótkizý boıynsha kelissóz júrgizýge daıyn, keıin basqa kandıdattarǵa aýyspaq. Mennıkstiń málimdeýinshe, eki tarap kelise almaıdy.  Golovkın men Alvares úshinshi jekpe-jekten kóp qarajat alady. Eki boksshy da DAZN-men kelisimshartqa otyrǵan, al strımıng servısi jekpe-jekti bıyl ótkizýdi qalaıdy, sebebi ol jazylýshylar sanyn arttyrady. 

Aıta keteıik, 9 maýsymda Golovkın DAZN-daǵy alǵashqy jekpe-jegin ótkizip, Nıý-Iorkte kanadalyq Stıv Rollsty nokaýtpen jeńgen bolatyn. Jekpe-jekten soń Golovkın Alvaresti trılogııany aıaqtaýǵa shaqyrǵan. Golovkın men "Kanelo" buǵan deıin eki ret judyryqtasqan. Boksshylardyń alǵashqy jekpe-jegi teń aıaqtalsa, keıin meksıkalyq boksshy tóreshiler sheshimimen jeńiske jetken edi.

"Qamshy" silteıdi

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir