• USD 378.65
  • EUR 430.07
  • RUB 6
  • CNY 55.1
24 Tamyz, 07:00:19
Qoryqshylardyń materıaldyq-tehnıkalyq bazasy kúsheıtiledi

17 Maýsym, 2019 Saıasat

Ulttyq keńes: Marǵulan Seısembaı bılikke úsh shart qoıdy

Marǵulan Seısembaı dıalogqa qatysty óz oıyn bildirip, bılik basyndaǵylarǵa halyqtyń atynan shart qoıdy.

Marǵulan Seısembaı dıalogqa qatysty óz oıyn bildirip, bılik basyndaǵylarǵa halyqtyń atynan shart qoıdy. Bul týraly ol Facebook paraqshasynda jazdy dep habarlaıdy Qamshy.kz aqparat agenttigi. 

"Dostar,
bul kúnderi men "Ulttyq Qoǵamdyq Senim Komıssııasy" týraly «mılon» habarlamalar men pikirlerdi tyńdap, oqyp shyqtym. Dıalogqa qarsy adamdardan, jáne básekelesti jaqtyrmaıtyn adamdardan meniń basyma shelek-shelek kompromat pen bylǵanysh tógildi. Men ózim erekshe qurmetteıtin adamdardan keńes suradym. Budan shyǵarǵan qorytyndylarym:

1. Halyq bılikke jáne "UQSK" keńesine senbeıdi. Bılik halyqtyń aldynda óz senim resýrsyn tolyǵymen joǵaltqan syńaıly.
2. Halyq kez kelgen "bılikpen dıalog" ıdeıasyna qosylatyn, sony úgitteıtin adamdardy kúdikpen qabyldaıdy.
3. Halyq bárin birden bolǵanyn qalaıdy.
4. Kelissózder júrgizý múmkindiginiń ózi qoǵamdy alańdatyp eki topqa bóledi.

- Mundaı jaǵdaıda dıalog júrgizý jáne alǵa jyljý múmkin emestigin túsine otyryp,
- Bılikten bárin birden talap etý jaǵdaıdy odan ári ýshyqtyratynyn túsine otyryp,
- Jańa prezıdentten onyń quzyretindegi zattardy ǵana talap etý kerektigin túsine otyryp men mynandaı sheshimge keldim.

Men olarmen ár túrdegi dıalog pen kelissózderdiń formatyna kelisemin eger bılik birinshi bolyp mynandaı qadamdarǵa barsa:

1. Internet pen áleýmettik jelilerdi buǵattaýdy toqtatý.
2. Mıtıngiler qatysýshylarynyń barlyǵyn abaqtydan bosatý.
3. Barlyq saıası tutqyndarǵa raqymshylyq jasap olarǵa bas bostandyǵyn berý.

Bılik osy úsh jaǵdaıdy oryndaǵannan keıin ǵana, saıası reformalar jolyndaǵy odan ári dıalogty jalǵastyrýǵa bolatyn eń tómengi senim deńgeıi qalpyna keltiriledi.

Osy sharttar oryndalmasa, kez kelgen kelissózder qoǵam turǵysynan amoraldy bolyp sanalady. Bul bir jaǵynan aýyzy jabylǵan, qol-aıaǵy baılanǵan, basyna tapansha taqalǵan adammen júrgiziletin kelissózderge kóbirek uqsaıdy.

Men áli de dıalog pen kelissózderdi qoldaımyn, biraq joǵaryda keltirilgen sharttar oryndalyp, eń tómengi senim deńgeıi qalpyna keltirgennen keıin ǵana. Eger bul sharttar oryndalmasa, meni qandaı da bir keńester men komıssııalarǵa shaqyrmaýdy suraımyn, meniń oǵan esh bir kómegim bolmaıdy.",- delingen jazbada.

Halyqtyń sózin sóılep, muń-muqtajyn minbedegilerge jetkizemin dep júr aǵamyz. 

Esterińizge sala ketsek, jaqynda ǵana Prezıdent Qasym-Jomart Toqaev halyqpen dıalog júrgizýge daıyn ekendigin aıtyp, Ulttyq keńes quratynyn málimdegen.

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir