Mańǵystaý oblysynda at tepken balaǵa ota jasalady

Mańǵystaý oblysynda at tepkennen keıin aýyr jaraqat alǵan bes jasar balany otaǵa daıyndap jatyr dep habarlaıdy Qamshy.kz aqparat agenttigi Lada.kz. saıtyna silteme jasap.

Balanyń ata-anasynyń aıtýynsha, oqıǵa jeke úıdiń aýlasynda bolǵan.

"Qazirgi ýaqytta onyń jaǵdaıy turaqty, bala jaq-bet hırýrııasynda operasııaǵa daıyndalýda", - dedi Mańǵystaý oblysy densaýlyq saqtaý basqarmasynyń baspasóz qyzmeti.

Bala oblystyq aýrýhanaǵa Munaıly aýdanynyń Baıandy aýylynan túsken. Tekseristen keıin dárigerler naýqas jabyq bas súıek-mı jaraqatyn alǵanyn anyqtady, sondaı-aq mıy shaıqalyp, bet súıegi jaryqshaqtanyp synǵan. Budan basqa, balanyń muryn qalqasy qısaıyp, joǵarǵy jáne tómengi erinderi zaqymdanǵany belgili boldy.