«Biz tynyshtyqty qalaımyz»: Almaty turǵyndary narazylyq sharalaryna qatysty pikir bildirdi (vıdeo)

Sońǵy saıası ahýaldarǵa baılanysty Almaty qalasynyń turǵyndary óz oıyn bildirdi dep habarlaıdy Qamshy.kz aqparat agenttigi.

"Biz tynyshtyqty qalaımyz, elimizde beıbit ómir súrgimiz keledi. Biraq osylaısha shý shyǵaryp, jaqsylyqty kútip otyrǵymyz kelmeıdi. Biz damyǵan, táýelsiz elde turamyz. Ne sebepti biz óz dárejemizdi túsirip, bassyzdyqqa jol berýimiz kerek? Biz kerisinshe belgili bir deńgeıde ósýdi oılamaımyz ba? Adamdar balalarynyń bolashaǵy úshin tynyshtyqty qalaǵany durys. Biz bárinen de balalarymyzdyń bolashaǵy úshin qorqamyz. Osylaı jalǵasa berse, olar bizden ne kútedi? Qalaı tárbıeleımiz? Balalarymyz syrtta júrip, bolǵan oqıǵalardy baqylap, aıtyp keledi. Shynyn aıtsaq olar qorqyp qalǵan. Biz beıbit elde ómir súrgimiz keledi. Bárine tynyshtyq tileımiz", - deıdi.

Almaty qalasynyń turǵyndary beıbit jolmen sheshilip, mundaı bassyzdyqtarǵa jol berilmeýin qalaıdy. Soǵysyp, qan tógiletin urystar ótken kúnniń enshisinde ketken, qazir barlyǵyn sanaly túrde sheship, baıypty amalyn izdeıtin ýaqyt jetti deıdi.