"Almaty marafonynda" jańa rekord tirkeldi

21 sáýir kúni elimizdiń ońtústik astanasy – Almaty shaharynda dástúrli «Almaty marafony» ótti dep habarlaıdy Qamshy.kz aqparat agenttigi. 

Uıymdastyrýshylardyń esebi boıynsha, marafonǵa 17 myńǵa jýyq adam qatysqan. Marafonnnyń negizgi maqsaty bastama qolǵa alynǵan alǵashqy jyldardan bastap jıylǵan qarajatty qaıyrymdylyq maqsattarǵa, sport alańdaryn salýǵa, ınternattarǵa, hospısterge arnaıy jáne sporttyq tehnıkany satyp alý jáne t.b. júıeli jumystardy júzege asyrýdy kózdeıdi.

Bul maqsattarǵa qol jetkizý marafonǵa qatysýshylardyń jarnasy arqyly júzege asady. Ereje boıynsha qatysýshylar jas ereksheligine baılanysty túrli qashyqtyqqa bólinip, saıysqa tústi.

Qatysýshylar alty deńgeı boıynsha baq synady. Atap aıtsaq, dástúrli marafon (42 km 195 m) 18 jastan asqan qatysýshylar úshin; 18 jastan asqan qatysýshylar úshin jarty marafon (21 km 97,5 m); 15 jastan asqan qatysýshylar úshin spýtnıktik jarys (10 km); 15 jastan asqan qatysýshylarǵa arnalǵan jaıaý júrý (10 km); 10 jastan 14 jasqa deıingi balalarǵa (3 km); 16 jastan asqan alty adamdyq komandalary úshin Ekiden korporatıvtik estafetasy (42 km 195 m) uıymdastyryldy.

Jarys qorytyndysynda, 42 km-ge deıin 195 metr qashyqtyqty 2 saǵat 28 mınýtta baǵyndyrǵan О́zbekstannan kelgen qatysýshy Zıkrıllo Mamatkýlov marafon rekordyn ornatyp, chempıondyq ataqqa laıyq dep tanyldy. Sonymen birgen, О́skemen qalasynyń turǵyny men kórshiles Reseı elinen kelgen qatysýshy da jeńis tuǵyrynan kórindi. Jarystyń bıylǵy júlde qory 2 940 000 teńge.

Aıta keteıik, 2013 jyldan bastap «Almaty marafony» AIMS halyqaralyq assosıasııasynyń quramyna engen. Sondaı-aq, Almaty marafonynyń trassalary AIMS jáne IAAF erejeleri boıynsha sertıfıkattalǵan jáne «B» sanatyna ıe.