«Adyrna» «Rýhanı jańǵyrý: dástúr men din máseleleri» taqyrybynda dóńgelek ústel ótkizdi

27 mamyr kúni Ǵylym ordasynda «Adyrna» ulttyq-etnografııalyq birlestigi «Azamattyq bastamalardy qoldaý ortalyǵynyń» tapsyrysymen «Dástúrli rýhanı qundylyqtardy qoldaý jónindegi jumystardy uıymdastyrý» atty áleýmettik joba aıasynda R. B. Súleımenov atyndaǵy Shyǵystaný ınstıtýty men Fılosofııa, saıasattaný jáne dintaný ınstıtýtymen birlese otyryp «Rýhanı jańǵyrý: dástúr men din máseleleri» taqyrybynda dóńgelek ústel ótkizdi.  Dóńgelek ústeldi «Adyrna» ulttyq-etnografııalyq birlestiginiń basshysy Arman Áýbákir ashyp, kelgen qonaqtardy tanystyrdy. QR BǴM ǴK Fılosofııa, saıasattaný jáne dintaný ınstıtýty dırektorynyń orynbasary, fılosofııa ǵylymdarynyń doktory, professor Nurmuratov Serik «Ult qorǵany – ulttyq qundylyqtar» taqyrybynda, QazBSQA-nyń assıstenti, professor Meıirmanov Amanjol «Dinı biregeılik jáne rýhanı qundylyqtar úndestigi» taqyrybynda baıandama jasady.  Sondaı-aq R.B. Súleımenov atyndaǵy Shyǵystaný ınstıtýty dırektorynyń orynbasary, ekonomıka ǵylymdarynyń doktory Ǵalymjan Dúısen men Berdaly Ospan, Erlan Tóleýtaı esimdi etnograftar ortaǵa shyǵyp sóz aldy. Dóńgelek ústelde stýdenttermen, qonaqtarmen pikir almasý bolyp, sóz alǵandar óz oılaryn ortaǵa saldy.