Altynbek Qorazbaev: Keleshek Prezıdent qazaq eli úshin aıanbaı eńbek etedi dep senemin

«Keleshek Prezıdent qazaq eli úshin aıanbaı eńbek etedi dep senemin». Jubaıymen birge daýys berýge kelgen kompozıtor Altynbek Qorazbaev osylaı dedi. Qazaqstannyń halyq ártisi óz tańdaýyn №211 saılaý ýchaskesinde jasady. Buǵan deıingi saılaýlarǵa da belsendi qatysyp júrgen halyq ártisi, bul jolǵy saıası naýqanda da qazaqstandyqtar durys tańdaý jasaıdy degenge senedi, dep habarlaıdy Almaty.tv tilshisi.

«О́zimniń elim úshin, halqym úshin elimizdiń patrıoty esebinde jubaıymmen kelip, óz daýysymdy berdim. Men alda bolatyn Prezıdentimiz Qazaqstandy órkendetedi dep senemin. Minekeı 50 eldiń qataryna kirdik, alda 30 órkendegen eldiń qataryna jetemiz dep senemiz», - dedi  Qazaqstannyń halyq ártisi, kompozıtor Altynbek QORAZBAEV.

Saıası dodaǵa óz úlesin qosyp, daýys berý maqsatymen shetelden arnaıy ushyp kelgen jastar da tóbe kórsetti. «Qazaqstannyń 100 jańa esimi» jobasy jeńimpazdarynyń biri, talantty jas kompozıtor, pıanıst Rahat-Bı Tólegen alǵash ret daýys berdi. Ol óz tańdaýyn №54 saılaý ýchaskesinde jasady.

«Bul meniń tuńǵysh ret daýys berýim. Osy tarıhı kezeńde óz elimmen birge bolý úshin arnaıy Italııadan keldim jáne óz tańdaýymdy jasadym», - dedi jas kompozıtor, «100 jańa esim» jobasynyń jeńimpazy Rahat-Bı ÁBDISAǴYN.