Beeline jelini jappaı jańǵyrtýdy bastady

Beeline jelini jappaı jańǵyrtýdy bastaǵanyn jáne 5G synaq aımaǵyn ashýǵa daıyndalyp jatqanyn jarııalady dep habarlaıdy Qamshy.kz aqparat agenttigi. 

Jyl sońyna deıin jeliniń syıymdylyǵy Almaty men Shymkentte sáıkesinshe 3 jáne 4 ese artady. Odan bólek, halqynyń jalpy sany bir mıllıondy quraıtyn 107 eldi meken 4G jelisine qosylady.

Beeline KSellmen aradaǵy jelini birge paıdalaný týraly kelisimnen shyqqan soń, jeke damýǵa kóńil bóldi. Bazalyq stansııalarǵa ornatylatyn jańa qondyrǵy jeliniń sapasyn aıtarlyqtaı jaqsartady jáne keleshekte 5G standartyna jyldam aýysýǵa múmkindik beredi.

«Biz taralymdy keńeıtip qana qoımaı, sonymen qatar sapany da arttyryp jatyrmyz. Byltyr Nur-Sultanda MIMO 4h4 tehnologııasy iske qosyldy. Halyqaralyq jiktelim boıynsha ol 4,5G-ge para par, bıyl ony Almaty turǵyndary da paıdalana alady. MIMO 4h4 jyldamdyǵy ádepki LTE-den birneshe ese joǵary. Kelesi qadam – 2020 jyly Massive MIMO-ny iske qosý bolmaq. Bul 4.9G halyqaralyq standartyna jaqyndaýymyzǵa múmkindik beredi. Al bıyl kúzde Shymkentte 5G jelisin tanystyramyz. Ol synaq jobasy bolady, sonyń negizinde tehnologııaǵa aldaǵy ýaqytta salynatyn ınvestısııa kólemi men ony engizý strategııasyn anyqtaımyz», - dep Beeline Qazaqstannyń Tehnıkalyq dırektory Oleg Snımshıkov pikir bildirdi.

Synaq jobasy kezinde Shymkent qalasynyń ortalyǵynda 5G standartyndaǵy servısterdi usynatyn birneshe bazalyq stansııa jumys isteıdi. Tehnologııanyń artyqshylyqtaryn 2019 jyly III toqsanda baǵalaýǵa bolady. Synaq jobasy nátıjesiniń negizinde Beeline Qazaqstannan bólek, 5G jelisin damytý strategııasyn VEON tobynyń barlyq kompanııasy jasaıdy.

Qazir Beeline baılanysyn Qazaqstannyń 3700-den astam qalasy men eldi mekeninde paıdalanýǵa bolady. Bul – halyqtyń 95%-y, olardyń 65%-y 4G standartyndaǵy ınternetke qol jetkize alady. Beeline jelisi 1999 jyly ashylǵan jáne zamanaýı baılanystyń barlyq standartyna saı sátti qyzmet etip keledi.

***

Beeline Qazaqstan — abonentter sany boıynsha kósh basynda!

Kompanııa mobıldi jáne turaqty telefonııa qyzmetin, halyqaralyq jáne qalaaralyq baılanys, málimetter joldaý,  optıkalyq-talshyqty qosylý, symsyz tehnologııalar,  Wi-Fi, úshinshi jáne tórtinshi býyndaǵy jeliler negizderinde ınternetke qosylý qyzmetterin kórsetedi. Ádepki qyzmetter tiziminen bólek, Beeline kóptegen digital amal-shart usynady, olar: mobıldi qarjy, mýltımedııalyq servıster, konvergentti qyzmetter, NB-IOT buıymdar ınterneti, sondaı-aq  M2M, MDM, E2E sheshimderi.

Reputation Institute-nyń abyroılyq aýdıtiniń qorytyndysy boıynsha Beeline Qazaqstan elimizdegi eń qurmetti operator bolyp tanyldy.

Operator shtab-páteri Amsterdam (Nıderlandy) qalasynda ornalasqan, «Veon» halyqaralyq  telekommýnıkasııalyq holdınginiń bir bóligi. Veon – telekommýnıkasııalyq jáne ınternet-qyzmetterdiń jahandyq provaıderi, onyń aksııalary NASDAQ jáne Euronext Amsterdam naryqtarynda satylady.