Qostanaıda marıhýana aınalymynyń joly kesildi

Qostanaı oblysy boıynsha departamenti quramynda kannabıstik top esirtki quraldarynyń zańsyz aınalymyna qatysy bar azamat A. Chıgarkın jáne V. Bondýrovskıı bolǵan narkotoptyń zańsyz áreketin anyqtap, jolyn kesti dep habarlaıdy Qamshy.kz aqparat agenttigi UQK baspasóz qyzmetine silteme jasap.

Atap aıtqanda, 2018 jylǵy 19 qarashada salmaǵy 19 kg 230 gr. «marıhýana» esirtki quralyn ótkizý kezinde V. Bondýrovskıı ustaldy. Jaýap alý barysynda ustalǵan adam kinásin moınyna alyp, esirtkini A. Chıgarkınnen alǵanyn aıtty.

2018 jylǵy 20 qarashada A. Chıgarkındi anyqtaý jáne ustaý boıynsha jedel-izdestirý is-sharalary júrgizilip, odan sondaı-aq salmaǵy 3 kg 721 gr. «marıhýana» esirtki quraly alyndy.

Nátıjesinde alynǵan esirtkiniń jalpy salmaǵy 22 kg 951 gr. qurady.

2019 jylǵy 6 mamyrda Qostanaı oblysy boıynsha mamandandyrylǵan aýdanaralyq qylmystyq ister boıynsha sotynyń úkimimen A. Chıgarkın QR QK 296-baby 4-b. jáne 297-baby 3-b. boıynsha kináli dep tanylyp, 13 jylǵa bas bostandyǵynan aıyrýǵa, V. Bondýrovskıı QR QK 297-baby 3-b. boıynsha 10 jylǵa bas bostandyǵynan aıyrýǵa sottaldy.

Usynǵan: Ildar Adılchenov