Sırııadan oralǵan azamattar qamaýǵa alyndy

Sırııadan oralǵan tórt aqtóbelik qamaýǵa alyndy, dep habarlaıdy Qamshy.kz aqparat agenttigi Hola News saıtyna silteme jasap.

Ol týraly Aqtóbe oblystyq soty málimdedi.

Aqtóbede Sırııadan oralǵan úsh erkek pen bir áıeldi qamaýǵa alýǵa sot sanksııa berdi. Olar lańkestik toptyń quramynda bolyp, terrorızmdi nasıhattaǵan jáne dinı alaýyzdyq týdyrǵany úshin aıyptalyp otyr.

Qamalýshylardyń tórteýi de Aqtóbe oblysynyń turǵyndary, olardy jaqynda Sırııadan «Jýsan-2» arnaıy operasııasy barysynda alyp kelgen. Alaıda, olar elge kelgennen keıin birde-bir jaqyndarymen sóılespeı, birden tergeýge jiberilgen. Olardyń Sırııaǵa qashan, qalaı ketkeni ázirge anyqtalmady.

«Terrorıstik toptyń áreketine nemese ony jasaıtyn terrorızm aktileri qatysqan dep kúdiktelgen Almaǵambetova, Tórehanov, Qýanov jáne Sábıtulyna qatysty kúzetpen ustaý túrindegi bultartpaý sharasyn qoldaný negizdi dep tanyldy», - dep aıtty Aqtóbe oblystyq sotynyń baspasóz hatshysy Anar Aıtjanova. 

Usynǵan: Marjan Sábet