• USD 378.65
  • EUR 430.07
  • RUB 6
  • CNY 55.1
18 Qyrkúıek, 14:06:05
Aýyl sharýashylyǵy mınıstrliginiń nazaryna! «Jem shóptiń baǵasy kúıip tur, "Qamshyńa" jazshy», – deıdi ákem

21 Mamyr, 2019 Oqıǵalar

"Nur Otan" narazylardyń nazyna qandaı jaýap qatty? (vıdeo)

"Qazaqstandaǵy qazirgi kredıttik júıe halyqtyń emes, banktiń ǵana paıdasyna jumys jasap tur" dep esepteıdi.

21 mamyr kúni Almaty qalasynda 60-tan asa adam ıpotekalyq kredıtterin keshirýdi talap etip, "Nur Otan" partııasy qalalyq ǵımaratynyń aldyna jınaldy. Olar bılik partııasyna birneshe talaptaryn qoıyp, shaǵymdaryn Qazaqstannyń joǵary bıligine (Elbasy N.Nazarbaeqa, Qazaqstan prezıdenti Qasym-Jomart Toqaevqa, Parlamentke) jetkizýin talap etti dep jazady Qamshy.kz aqparat agenttigi. 

Narazylar talaby

Narazy toptyń nazyn tyńdap, mıtıng ótken mekemeniń ǵımaratynan tikeleı reportaj jasaǵan "Azattyq Radıosy" tilshileriniń aıtýynsha, shaǵymdanýshylardyń arasynda ózge qaladan kelgen adamdar da bar. Biraq báriniń talaby bir, múddesi ortaq. Olar biraýyzdan "Qazaqstandaǵy qazirgi kredıttik júıe halyqtyń emes, banktiń ǵana paıdasyna jumys jasap tur" dep esepteıdi. Kúlli halyqtyń kúndiz uıqysyn, túnde kúlkisin urlaǵan bul júıeniń "búırekteı" búlinýine birinshi kezekte, nesıe týraly zańdardy qabyldaǵan joǵary basshylar men Parlamet palatalaryn kinálaǵan narazylar "joǵarydaǵylardan" sol zańdardy qaıta qaraýyn talap etip otyr. Olar bılik ókilderine talaptaryn 9 maýsymda ótetin kezekten tys prezıdent saılaýyna deıin oryndaýdy surady. "Naqty is kútemiz, naqty is degenimiz kredıt amnıstııasy bolýy kerek" dedi jýrnalısterge "Ar-namys-5" qoǵamdyq birlestiginiń tóraǵasy Qanaǵat Tákeeva. 

Nur Otan sonda ne dedi?

Narazylardy "Nur Otan" partııasynyń Almatydaǵy fılıalynyń ókili, Qazaqstan prezıdenttigine kandıdat Qasym-Jomart Toqaevtyń Almatydaǵy shtabynyń múshesi Borıs Japarov qabyldady. Ol "jınalǵandardyń talaby oryndy. Biz buny joǵary bılikke jetkizemiz jáne oń sheshimin tabýyn tileımiz. Biraq úkimettiń sheshimine jaýap bere almaımyz. "Nur Otan" ıpotekalyq nesıe al" dep eshkimdi úgittegen emes jáne bul máselemen aınalyspaıdy" dedi. 

Vıdeo Azattyq Radıosynyń You Tube paraqshasynan alyndy.

♦Oqı otyryńyzdar: Qaryzy bardyń "Nur Otan"-ǵa aryzy bar

Daıyndaǵan: Mııat Káshibaı

Qate tapsańyz, qajetti bólikti tańdap ctrl+enter basyńyz.

Banner

Pikir qaldyrý

pikir