Kóliktiń tez tozýyna «kómektesetin» júrgizýshilerdiń 5 zııandy ádeti

Qamshy.kz aqparat agenttigi kólik júrgizýshilerine birneshe paıdaly keńes usynady. Bul qatelikterdi árbir kólik júrgizýshi bilip, tıisti shara qoldanyp júrgeni abzal. 

Tipti eń tájirıbeli kólik júrgizýshi de kóliktiń jaǵdaıyn «aıanyshty» kúıge túsiretin qatelikterge jıi urynyp jatady. Júrgizýshi kóligin barynsha uqypty aıdap, «qamqor» bolatyndaı kórinedi. Alaıda keı bilmestiginiń kesirinen kóliginiń ómirin «qysqartatynan» habarsyz. Másele mynada. Árbir kólik júrgizýshi bilýi tıis birneshe qatyp qalǵan qatelikter bar. Endeshe, sol qatelikterdi bile júrińizder.

1.Qyrǵysh shetkalar

Mundaı ádispen kólik shanaǵyna zaqym keltirmeý múmkin emes.

Kóptegen júrgizýshi kólik shanaǵyn tazalaýǵa shetka men qyrǵyshtardy paıdalanady. Munyń bári – úlken qatelik. Mundaı quraldardy paıdalaný kóliktiń lak-boıaý qaptamasyna keri áserin tıgizýi múmkin. Eger ol tipti qar nemese balshyq bolsa da, kólikke arnalmaǵan quraldarmen tazalamaǵan abzal. Kólik tazalaýǵa arnalmaǵan shetkalar men qyrǵyshtar kóliktiń syrtyna «orny tolmas» iz qaldyrýy  múmkin.

2.Qosymsha tireýish

Esikter biz oılaǵanan da álsiz, bos bolady.

Kóptegen kólik júrgizýshiler kóliktiń esigin tirenýge, súıenýge, asylyp turýǵa arnalmaǵandyǵyn jıi umytyp ketedi. Ásirese, salmaǵy aýyr júrgizýshilerdiń esikti súıenish retinde jıi paıdalanýy - «ǵumyryn qysqartady». Dál osy eskertý kóliktiń róline de qatysty. Ony da súıenish retinde jıi paıdalaný - róldiń «túbine jetedi».

3.Róldi bostan-bosqa aınaldyrý

Bulaı isteýdiń keregi joq.

Tipti keıbireýler kólik toqtap turǵanda rólin aınaldyrý óte jaman ádet ekenin bilmeıdi de. Mundaı áreket róldiń toraptaryn bosatyp, zaqymdap, róldiń júıesine aıtarlyqtaı zııan keltiredi. Mundaı tájirıbe ról kúsheıtkishke de, sonymen qatar, dóńgelektiń rezeńkesine de keri áserin tıgizedi. Bylaısha aıtqanda, qarapaıym bolmashy áreket óte qymbat jóndeý jumystarynyń sebebi bolýy múmkin.

4.Oryndyqqa tizemen otyrý

Bul ádet óz izin qaldyrmaı qoımasy anyq.

Dál bul áreketti árbir júrgizýshi ómirinde bir ret bolsa da jasap kórgeni aıdan anyq. Oryndyǵyna tizemen otyrý kólikke qandaı zııan keltirýi múmkin? Oǵan qosa, ondaı áreketti tipti jolaýshylar da jasaıdy, ásirese, balalar. Biraq balalarǵa qaraǵanda eresekteriń salmaǵy aýyr bolady. Mundaı ańqaý áreketimen oryndyqqa, ásirese, onyń jylytý júıesine aıtarlyqtaı zııan keltirýi múmkin.

5.Qolmen retteý

Arnaıy mehanızm bar.

Búıirdegi aınalardyń paıdalaný nusqaýlyǵynda aınany qolmen jyljytýǵa bolmaıdy dep erekshelep turyp jazylǵan. «Resmı» eskertýge qaramastan, kóptegen júrgizýshi jazylǵan erejeni barynsha elemeýge tyrysady. Munyń qandaı zııan bolýy múmkin? Tym qatty nemese ebedeısiz qozǵaltýdyń nátıjesinde aınalardyń elektrsymdaryna zaqym keltirip, tipti isten shyǵaryp tastaý op-ońaı.

Qaı zatty bolmasyn óz tártibimen, erejesine saı paıdalansa, óz aqysyn óteıtindeı merzim qyzmet eteri anyq. 

Derekkóz: prikolno.cc

Usynǵan: Maqpal Sembaı