Vıse-mınıstrdiń jyny basylypty: Men qatty ókinemin...

Jyny basylǵan Ulttyq ekonomıka vıse-mınıstri Serik Jumanǵarın jýrnalısterden keshirim surady dep jazady Qamshy.kz aqparat agenttigi. Bul týraly vıse-mınıstrdiń baspasóz qyzmeti habarlady. 

"Men jýrnalısterge aıtqan sózim úshin qatty ókinemin. Meniń jýrnalısterge aıtqan sózimniń durys emes ekenin moıyndaımyn. Sol sebepti resmı túrde jýrnalısterden keshirim suraımyn. Sondaı-aq men sol kezde aıtqanymdaı jýrnalısterdiń barlyq suraqtaryna jaýap berýge daıynmyn", - dep jazylǵan habarlamada. 

♦Jýrnalıske ashýlanǵan vıse-mınıstr: Jynymdy keltirmeńizshi, blın! (vıdeo)

Eske salsaq, Serik Jumanǵarın jýrnalısterdiń qoıǵan suraǵyna qabaǵyn shytyp "jynyma tımeńdershi, blın", dep aıtqan. Atalmysh sát vıdeoǵa túsip qalyp, áleýmettik jelide qyzý talqyǵa túsken bolatyn. 

Usynǵan: Ásel Bolatqyzy