Bolashaq «nazarbaevtanýshylarǵa» arnalady

Búgin ıaǵnı 29 qarasha kúni Astanadaǵy Májilis úıinde Parlament Májilisiniń depýtaty, «Qazaqstan ardagerleri» Qaýymdastyǵynyń Tóraǵasy, belgili qoǵam qaıratkeri, jazýshy, aqyn Baqytbek Smaǵuldyń «NURSULTAN NAZARBAEV.ALTYN ǴASYR» atty kitabynyń tusaýkeser saltanaty ótti.

Is-shara ultymyzdyń ulyq merekeleri – «Tuńǵysh Prezıdent kúnine» jáne «Táýelsizdik kúnine» arnalyp otyr. Tusaýkeser rásimine Májilis pen Senat depýtattary, sondaı-aq Prezıdent Ákimshiliginiń, birqatar ortalyq memlekettik organdardyń, zııaly qaýymnyń ókilderi, úkimettik emes uıymdar jetekshileri qatysty.

Saltanatty rásimde Senat Tóraǵasynyń orynbasary Bektas Beknazarov, Májilis vıse-spıkeri Gúlmıra Isımbaeva jáne basqa da mártebeli qonaqtar sóz sóıledi.

B.Smaǵuldyń kórkem tilmen jazylǵan bul ǵylymı zertteý eńbegi iri 7 taraýdan turady. Ár taraý Elbasy-Qazaqstannyń Tuńǵysh Prezıdenti Nursultan Ábishuly Nazarbaev tulǵasynyń jeti qyryn ashady.

Atap aıtqanda, «Táýelsizdik – máńgilik úshin kúres keńistigi» taraýynda Elbasynyń jańa qazaqstandyq memlekettiliktiń negizin qalaýshy retindegi tarıhı róli somdalady, Máńgilik el qurý jolyndaǵy syn-tegeýrinder tujyrymdalady.  

«Elbasy shapaǵaty» taraýynda avtordyń N.Á.Nazarbaevpen kezdesken 1984 jyldan bergi estelikteri, Memleket basshysynyń soǵys ardagerlerine qamqorlyǵy baıandalady.

«Elbasy – jańa ultty qalyptastyrǵan fenomen» atty taraýda memleketquraýshy qazaq ultynyń aınalasynda uıysqan Qazaqstan halqyn – «Bolashaǵy birtutas ultty» túzý kezeńderi men sol joldaǵy qıynshylyqtar naqty oqıǵalar negizinde saralanady.

«Astana – jańǵyrýdyń rámizi» taraýy elordany jarııalaý jáne turǵyzý kezeńinde bolǵan, biraq buǵan deıin el nazarynan tasada qalyp kelgen tosyn oqıǵalar men tyń derekterge qurylǵan.

«О́mir shynaıylyǵyn ózgertken lıder» taraýynda B.Smaǵul áskerı sarapshy retinde Qazaqstan Prezıdentiniń dúnıejúzindegi ártúrli qaqtyǵys oshaqtarynyń óship, turǵyndarynyń beıbit ómirge oralýyna yqpal etken bitimger beınesin sózben somdaıdy.

«Azshylyq ultty alypqa aınaldyrǵan» taraýynda halqynyń sany az bolǵanymen, álemdik kóshbasshy memleketke aınalǵan damyǵan elder tájirıbesi saraptalady, sondaı-aq «Ult Atasy» atanǵan tarıhı lıderler qatarynda sanalatyn N.Nazarbaevtyń Qazaqstandy ozyq «otyzdyq» qataryna qosý strategııasynyń mán-mańyzy ǵylymı taldanady.

«Prezıdentke baǵyný – jaǵyný emes, saıasatyn qoldaý – tabyný emes» qorytyndy taraýynda Tuńǵysh Prezıdenttiń «Rýhanı jańǵyrý» baǵdarlamasyna jáne sodan órbıtin máselelerge mán beriledi, shyn júırikterdi emes, til júırikterdi ilgeri shyǵarǵan «postshyndyq» («post-truth») dáýirindegi demagogııa men popýlızmniń qaýiptiligi, pragmatızmniń qajettiligi álemdik tarıhı derekter arqyly dáıekteledi.

Baqytbek Smaǵul óziniń uzaq jyldardaǵy oı-tolǵanysynyń jemisi bolyp tabylatyn bul eńbeginde Elbasy atymen ushtasqan «Eldiktiń Altyn Ǵasyryna» qatysty betburystardyń tek kýágeri ǵana emes, tikeleı qatysýshysy retinde dáýir rýhyn, qazirgi zaman beınesin ǵylymı negizde, biraq oı men til órnegin tóge otyryp, asa qyzyqty sýretteıdi.

Kitap qalyń oqyrmanǵa, ár sala mamandaryna, sondaı-aq bolashaq «nazarbaevtanýshylarǵa» ornyqty oı, dáıekti derek, taǵylymdy túıin, ulaǵatty uıǵarym usynady.