Rýhanı jańǵyrý — qazaq qoǵamyn biriktirýshi faktorǵa aınaldy

Búginde Elbasy usynǵan "Bolashaqqa baǵdar, Rýhanı jańǵyrý" baǵdarlamasy elimizdiń damý prosesindegi negizigi jol silteýshi qujat ispettes. Ondaǵy basty baǵyt álemdegi damyǵan básekege qabyletti 30 eldiń qataryna qosylý, saıası jáne ekonomıkalyq jańǵyrý, adam kapıtalyn damytý, ashyq azamattyq qoǵam qalyptastyrý.

Bul baǵdarlama buǵan deıingi Aq Orda tarapynan usynylǵan basqa joldaýlarmen salystyrǵanda halyq arasynda keń qoldaýǵa ıe boldy, tipten saıasatta sırek kezdesetin qubylys - elimizdiń bir qatar bedeldi oppozısııa ókilderi de joldaý mazmunyna oń pikirlerin berip jatty. Ekinshi jaǵdaıdy árkim ár qalaı baǵalady, keıbireýler qoldaý bildirgen tanymal oppozısııa ókilderin qatań synǵa alyp jatty. Alaıda bul qubylys qazaq oppozısısynyń el múddesine, memleket múddesine kelgende konstrýktıvti dıalog júrgizýge qabiletti, memleketshil azamattar ekendiginiń kórinisi.

Rýhanı jańǵyrý - belgili bir jaǵdaıda qazaq qoǵamyn biriktirýshi faktorǵa aınaldy, baǵdarlama aıasynda qoǵamdyq prosesterdegi áleýmettik mańyzdy problemalar óz sheshimin tabýda. Baǵdarlamanyń negizgi konsepsııasy elimizdiń bolashaq kezeńdegi damý úrdisin halqymyzdyń tereń tarıhynan nár alatyn ulttyq qundylyqtarǵa negizdelgen ıntellektýaldy jasampaz báskege qabyletti ult qalyptastyrý. Ulttyq qundylyqtarǵa negizdelgen zamanaýı damý startegııasy bizge deıingi álemdik kóshbasshy elderdiń tájırbıesinen de baıqaýǵa bolady. XX ǵasyrdyń 50-shi jyldary japon eliniń áleýmettanýshylary usynǵan japon mádenıeti men salt dástúrine qarama-qaıshy kelmeıtin memlekettik damý baǵyttyn jasaqtaý sonyń kórinisi bolyp tabylady. Osyǵan oraı «Bolashaqqa baǵdar: rýhanı jańǵyrý» baǵdarlamasy álem aldynda qazaq halqyn básekege qabyletti bolashaǵy baıandy ult etip qalyptastyrýǵa óz septigin tıgizer.

A. Sársenbaev