Ulttyq bank Delta Bank-ti lısenzııasynan aıyrǵan

Qazaqstan Respýblıkasy Ulttyq banki basqarmasynyń № 78  qaýlysymen  22 mamyrdan 15 maýsymǵa deıin  «Delta Bank» AQ-tyń  jeke  jáne  zańdy  tulǵalardyń  depozıtterin  qabyldaýǵa,  jeke  jáne  zańdy  tulǵalardyń  bank  shottaryn ashýǵa lısenzııasy  toqtatyla turady, dep habarlaıdy Qamshy aqparattyq agenttigi QR Ulttyq bankiniń baspasóz qyzmeti taratqan aqparatqa súıenip. 

Bul sheshimdi QR UB atalǵan bank «Qazaqstan Respýblıkasyndaǵy bankter jáne bank qyzmeti týraly» Zańy 48-babynyń 1-tarmaǵy v) jáne g) tarmaqshalarynda kózdelgen negizder  boıynsha, tólem jáne aýdarym operasııalary boıynsha sharttyq mindettemelerdi  únemi (qatarynan kúntizbelik on eki aı ishinde úsh jáne odan kóp ret) tıisinshe oryndamaý jáne únemi (qatarynan kúntizbelik on eki aı ishinde úsh jáne odan kóp ret) prýdensııalyq normatıvterdi jáne basqa da saqtalýy tıis mindetti normalar men lımıtterdi buzǵany úshin ishki baqylaý júıelerin jaqsartý  qajettiligi sheńberinde qabyldady.

Lısenzııa  jańa  depozıtterdi tartýǵa,  sondaı-aq  jeke  jáne  zańdy  tulǵalardyń jańa  bank  shottaryn ashýǵa  qatysty toqtatyla turady jáne  banktiń qoldanystaǵy depozıtteri  men  klıentterine qyzmet kórsetýine qatysy  joq.

2017 jylǵy 1 mamyrdaǵy  jaǵdaı  boıynsha  «Delta Bank» AQ  jeke  tulǵalarynyń  qabyldanǵan depozıtteriniń kólemi 0,6 mlrd. teńgeni, zańdy  tulǵalardyń depozıtteri 115,7 mlrd. teńgeni quraıdy.  Banktiń depozıttik portfeliniń úlesi bank  júıesi depozıtteriniń  jıyntyq kóleminiń 0,7%-yn quraıdy.